Tơdrông Pơđơk 3:16 - Sơ̆p Hlabơar Nơ̆r 'Bok Kei-Dei

¹⁶ Lăm ti 'ma sư chĕp tơdrong arih sot; Lăm ti 'ngiĕo sư đei mơdrŏng tih păng ư-ang.

Tơdrông Pơđơk 3:16 ပူးပေါင်းရင်းမြစ်များ

I Pot 3:13

Hloh kơ noh dơ̆ng Inh gô ăn hloi kơ ih dôm tơdrong mă ih ưh kơ đei apinh, tơdrong mơdrŏng, tơdrong đe pơyom ư-ang, lăm đĭ chăl arih ih ưh kơ đei pơtao bu kĕ tam ih.

Jop 39:12

Ih hăm lui ngeh kơ sư wă chơ ba 'ba ih păng chơ iŏk đơ̆ng anih preh 'ba?

Horiso 112:3

Mŭk măk păng mơdrŏng oei lăm hnam Sư. Păng tơdrong tơpăt Sư oei oei ling-lang.

Horiso 21:4

Sư apinh Ih tơdrong arih, Ih ăn hloi kơ sư Ih ăn kơ sư năr đunh sot ling-lang hlŏng hloi.

Horiso 71:9

Apinh Ih 'nĕ pơpuh inh kơplah inh đĭ kră, dah jơhngơ̆m inh pă kĕ.

Tơdrông Pơđơk 22:4

Tơdrong apah kơ bơngai iŏk đon ala, păng hli yom kơ Kră Yang. Noh tơdrong mơdrŏng, tơdrong arih păng đe pơyom.

Tơdrông Pơđơk 3:2

Yua kơ tơdrong inh bơtho gô thim kơ ih arih sot, Păng đei hiôk jơnap.

Tơdrông Pơđơk 9:11

Yua kơ đơ̆ng Inh, na năr ih arih sot hloh, Lu sơnăm ih arih thim rai kơjung sot hloi.

Markôs 10:30

bơngai 'noh dang ei 'Bok Kei-Dei tơgŭm sư hloh loi kơ sư tam mă lui sơ̆, mă hnam, mă 'nhŏng oh, mă mĕ 'bă, mă kon, mă mir 'ba, sư gô đei lơ hloh kơ sơ̆ tơpă. Sư kư̆m đei tơdrong anat anot yua kơ jang tơdrong Inh kơplah dang ei mơ̆n. Mă-lei ning-mônh sư gô arih ling-lang ưh kơ đei layơ tôch.

II Kor 6:10

Đe lăng nhôn đei tơdrong sơ'ngon, mă-lei nhôn hiôk chơt ling-lang; đe lăng nhôn bơngai dơnuh, mă-lei đei lơ bơngai mơdrŏng yua kơ nhôn; đe lăng nhôn hoh-hoy kơbĭ đei kiơ, mă-lei nhôn đei tôm tơdrong tơmam.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.