Tơdrông Pơđơk 29:6 - Sơ̆p Hlabơar Nơ̆r 'Bok Kei-Dei

⁶ Lu bơngai kơnê̆ 'leh hơđong đơ̆ng tơdrong yoch sư kơdih. Mă-lei bơngai tơpăt hat hơri chơt hiôk.

Tơdrông Pơđơk 29:6 ပူးပေါင်းရင်းမြစ်များ

Horiso 11:6

Sư gô tuh ngar ŭnh tơmo ngŭr tơ lu bơngai kơnê̆, Kial tŏ hang tuh ăn kơ lu sư.

Horiso 118:15

Đei lăm kơđông lu bơngai 'lơ̆ng tơpăt, đei nơ̆r hơri chơt hiôk kĕ jei jơnei tih; “Ti 'ma Kră Yang pơm kĕ jei jơnei tih.

Horiso 132:16

Inh gô pơhrŭk ăn tơdrong dŏng pơklaih kơ lu 'bok soi pơlei noh păng lu bơngai 'lơ̆ng rơgoh sư gô hơri 'nă hal.

Horiso 97:11

Tơdrong hơdahb pơchrang kơ lu bơngai tơpăt. Păng chơt hiôk kơ lu bơngai đei jơhngơ̆m tơpăt.

Le 15:1

Đơ̆ng noh, Môis păng kon pơlei Isơrael hơri 'bai 'nâu kơ Kră Yang, khan: Inh gô hơri ư-ang kơ Kră Yang, yua kơ Sư mơsêh mơyang tih. Kră Yang klơ̆m lê̆ aseh păng bơngai hao aseh lăm đak dơsĭ.

Tơdrông Pơđơk 10:28

Tơdrong chang hơmĕng lu bơngai tơpăt băt đei chơt hiôk. Mă-lei tơdrong lu bơngai pơm kơnê̆ hơpơi ưh kơ đei.

Tơdrông Pơđơk 12:13

Bơngai pơm kơnê̆ pơm yoch đơ̆ng 'bơ̆r pơma, thoi 'leh hơđong, Lu bơngai tơpăt gô klaih đơ̆ng tơdrong truh.

Tơdrông Pơđơk 22:5

Jơla păng hơ'năk hơđong kơ trong lu bơngai pơm kơnê̆. Bu wei bơhngol sư weh ataih đơ̆ng trong noh.

Tơdrông Pơđơk 5:22

Lu bơngai pơm kơnê̆ gô 'leh hơđong đơ̆ng tơdrong yoch sư kơdih. Tơdrong yoch sư kơdih gô chô̆ sư.

Bôk Bơthô 9:12

Ưh kơ đei bu băt ôh layơ sư lôch thoi ka đom lăm hơnhuăl, thoi sem 'leh hơđong, kư̆m thoi noh mơ̆n, kon bơngai bơ̆n đom lăm năr tơdrong truh, 'bôh 'băi truh hloi ưh kơ tam băt.

II Tim 2:26

Sư đei đon 'lơ̆ng boih păng gơh jăk đơ̆ng yang Satan. Sơ̆ yang Satan oei pơkơ̆ng sư lăm tơdrong sư wă.

Ya 1:2

Ơ lu 'nhŏng oh inh, mă iĕm đei tơdrong gleh kiơ truh kơ iĕm, iĕm athei hiôk đĕch hŏ,

I Pet 1:8

Đơ̆ng sơ̆ iĕm ưh kơ 'bôh Yêsu Krist thoi yơ, mă iĕm 'mêm kơ Sư tơpă. Dang ei iĕm kư̆m ưh kơ 'bôh Sư mă iĕm kư̆m lui kơ Sư kơjăp, jơhngơ̆m iĕm hiôk ling-lang măng năr.

I Yo 1:4

Nhôn chih kơ iĕm dôm tơdrong lăm kơthơ âu wă kơ đĭ-đăng kơ bơ̆n hiôk hơiă tơpă.

Lu 20:41

Kơplah noh, lu bơngai Isơrael sư wơ̆t tơ rŏng tơblah mă gah lu bơngai Bênjamin lu sư rai hli tơrơ, yua kơ lu 'bôh tơdrong gleh răm wă truh tơ lu sư.