Tơdrông Pơđơk 29:23 - Sơ̆p Hlabơar Nơ̆r 'Bok Kei-Dei

²³ Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Tơdrông Pơđơk 29:23 ပူးပေါင်းရင်းမြစ်များ

Mathiơ 23:12

Bơngai bu pơma pơang akâu sư wă kơ đe pôk sư pơm tih, bơngai noh ning-mônh sư gô mơlâu hloh kơ đe. Bơngai bu ưh kơ hơnhŏ chă pơang akâu sư kơ đe, bơngai noh 'Bok Kei-Dei mơnat, ăn kơ sư pơm tih.

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”

Tơdrông Pơđơk 11:2

Mưh tơdrong pơang truh, duh đei hloi tơdrong mơlâu. Mă-lei tơdrong hơgei oei ling-lang lăm bơngai iŏk đon ala.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.

Tơdrông Pơđơk 15:33

Tơdrong băt hli yom kơ Kră Yang chrih bơtho bơngai noh gô jing hơgei; Đei iŏk đon ala ba adrol tơdrong đe pơyom.

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Tơdrông Pơđơk 18:12

Đei jơhngơ̆m pơang adrol kơ tơdrong răm truh; Tơdrong iŏk đon ala, ba tơdrong đe pơyom.

Mathiơ 18:4

Dah iĕm pơm kiơ̆ bơngai 'lơ̆p âu ưh kơ pơang akâu, lei bơngai noh boih pơm tih lu bơngai mă 'Bok Kei-Dei pơgơ̆r.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Both 8:16

Lăm char glă Sư boih wei rong ăn kơ iĕm sa 'bĕng mana, mă lu 'bok iĕm tam lah băt, ăn kơ lu iĕm pơmat-tat wă pơlong lăng iĕm tuch-luch ăn pŭn hiôk kơ lu iĕm.

Jop 40:12

Lăng bĕ tơ lu bơngai pơang păng teh tơhuŏng lê̆ sư; Kŭm teh pơjuă bĕ lu bơngai pơm kơnê̆ kơtă anih sư.

Mathiơ 5:3

“Pŭn dêh lu bơngai mă băt kăl kơdih kơ 'Bok Kei-Dei tơgŭm sư lui kơjăp, 'Bok Kei-Dei gô pơgơ̆r lu sư.

Jop 22:29

Yua kơ Kră Yang 'Bok Kei-Dei gô tơjur lê̆ lu bơngai pơang na dŏng pơklaih bơngai iŏk đon ala.

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.

Tơdrông Pơđơk 16:19

Kơtrơ̆m iŏk đon ala na oei hăm bơngai dơnuh hin, 'Lơ̆ng hloh kơ klah song tơmam tơtông tơgar hăm bơngai pơang.

Tơdrông Pơđơk 17:19

Bơngai bu 'maih pơjah, chơchă tơdrong glăi. Bơngai bu tơiung 'măng jang rai kơjung chă tơdrong răm 'bônh.

Tơdrông Pơđơk 22:4

Tơdrong apah kơ bơngai iŏk đon ala, păng hli yom kơ Kră Yang. Noh tơdrong mơdrŏng, tơdrong arih păng đe pơyom.

Ob 1:3

Ơ lu khŭl bơngai oei lăm sơlam tơmo, lăm anih kơjung, lu iĕm đei khan lăm jơhngơ̆m iĕm thoi âu: Hăm đei bu kĕ tơlơ̆ inh huŏng tơ teh? Tơdrong pơang lăm jơhngơ̆m iĕm hơlĕnh kơdih akâu iĕm boih.