Tơdrông Pơđơk 29:2 - Sơ̆p Hlabơar Nơ̆r 'Bok Kei-Dei

² Mưh bơngai tơpăt rai lơ, kon pơlei đei chơt hiôk; Mă-lei dah đei bơngai kơnê̆ pơgơ̆r, kon pơlei đei ôr krao.

Tơdrông Pơđơk 29:2 ပူးပေါင်းရင်းမြစ်များ

Esther 3:15

Lu bơngai chĕp hla bơar noh hăt hot pơm kiơ̆ kơ tơdrong pơtao tơtă. Nơ̆r tơtă âu kư̆m roi tơbăt lăm kon pơlei Susa. Pơtao păng Haman oei et tơdrô, mă-lei lăm lu kon pơlei Susa hli tơrơ dêh.

Esther 8:15

Morđêkai lĕch đơ̆ng anăp pơtao hrŭk hơbĕn ao jơk kok, yơ̆l môk maih pơtao păng hrŭk ao tai che 'bui se 'brê hơhĭm, kơplah noh kon pơlei Susa ôr jreo chhôk hơnôk.

Jop 34:30

Ưh kơ ăn lu bơngai pơm kơnê̆ pơgơ̆r, păng ưh kơ ăn lu sư hơ'năk kơ kon pơlei hơđong.

Tơdrông Pơđơk 11:10

Kơplah lu bơngai tơpăt mơdrŏng, đĭ lu pơlei tih đei chơt hiôk. Mă-lei đei bơngai kơnê̆ hiong răm, đe gô jreo chơt hiôk.

Tơdrông Pơđơk 28:12

Tơdah bơngai tơpăt jei jơnei, đei hiôk chơt tih; Mă-lei đei bơngai pơm kơnê̆ iung lei đei bơngai kơdâu ôn.

Tơdrông Pơđơk 28:15

Bơngai kơnê̆ pơgơ̆r kon pơlei dơnuh hin; Nhen thoi dăm-brang grĕnh gơhuh nhen thoi chơgơu druh sem bri wă rôp sa.

Tơdrông Pơđơk 28:28

Layơ tơdah lu bơngai kơnê̆ iung pơgơ̆r, đe kơdâu ôn đĭ, Mă-lei dah lu sư lôch, lu bơngai tơpăt jing rai lơ.

Bôk Bơthô 10:5

Inh 'bôh minh tơdrong glăi tih lăm ala teh âu. Tơdrong pơm glăi đơ̆ng lu bơngai pơgơ̆r:

Bôk Bơthô 10:6

Lu bơngai kơtul bơlŭk, đe pôk hơtŏk sư jang tơdrong tih, lu bơngai mơdrŏng tơdrong hơgei tă oei tơ ala.

Bôk Bơthô 4:1

Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Mathiơ 2:3

Lăp pơtao Hêrôt kơtơ̆ng tơdrong noh sư sơleng kơ đon păng jơhngơ̆m sư hli. Đĭ-đăng bơngai lăm Pơlei Jêrusalem kư̆m hli lei-lăi mơ̆n.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”