Tơdrông Pơđơk 29:18 - Sơ̆p Hlabơar Nơ̆r 'Bok Kei-Dei

¹⁸ Tơ yơ ưh kơ đei pơdah tơ'bôh ôh kon pơlei oei rơngei pơm yoch, Mă-lei bu wei khôi juăt đei pŭn hiôk!

Tơdrông Pơđơk 29:18 ပူးပေါင်းရင်းမြစ်များ

II Ho 28:19

Yua kơ đơ̆ng Ahas, pơtao đe Isơrael,a na Kră Yang tơhuŏng lu bơngai Juđa, yua kơ Ahas pơm kơnê̆ lăm Juđa, ưh kơ chu Kră Yang.

Horiso 106:3

Pŭn dêh kơ bu wei răk tơdrong tơpăt hơnơ̆ng pơm tơdrong 'lơ̆ng tơpăt ling-lang!

Horiso 119:1

Pŭn dêh kơ lu đe bu mă pơm 'lơ̆ng đe huay kơ chrih lăm trong sư yak. Arih kiơ̆ khôi juăt Kră Yang.

Horiso 119:2

Pŭn dêh kơ bu wei răk dôm nơ̆r Sư tơtă. Păng đĭ jơhngơ̆m krao chă Sư.

Horiso 19:11

Đơ̆ng tơdrong noh bơtho ăn kơ đĭch đam Kră Yang hlôh wao; Bu bơwei, sư đei apah tih tơpă.

Horiso 74:9

Lu nhôn pă đei 'bôh tơdra hlĭch. Ưh pă đei bơngai khan lê̆ adrol tơ lăm lu nhôn kư̆m ưh pă đei bu băt tơdrong âu dĭng truh tơ dang yơ.

Le 32:25

Môis 'bôh kon pơlei pơla đei tơdrong rơngei pơm kư̆ kă mơ̆ng kơ lu sư wă, ưh kơ đei bơngai wei-lăng lu sư, yua kơ Arôn lê̆ lu sư rơngei dĭng mah đei tơdrong lu ayăt pơjăm lu sư.

Tơdrông Pơđơk 19:16

Bu răk tơdrong juăt, băt wei tơdrong arih kơdih; Mă-lei bu ưh kơ bơwei oei arih sa 'lơ̆ng gô lôch.

Tơdrông Pơđơk 29:19

Ưh kơ trŏ đơ̆ng 'bơ̆r nơ̆r pơma 'bơ̆r hoh đĕch na teh bơtho đĭch đam; Mă sư băt ră kư̆m kuă kơ mơ̆ng kiơ̆.

Tơdrông Pơđơk 8:32

Dang ei, ơ dăm, mơ̆ng bĕ nơ̆r Inh; Pŭn hiôk tơpă bơngai bu oei rok kiơ̆ trong inh.

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Mathiơ 9:36

Yêsu 'bôh lu bơngai tơpôl noh Sư mơnat dêh, lu sư oei hli sơ'ngon đon ưh kơ băt pơm thoi yơ, dang lĕ kơ triu ưh kơ đei tơ'ngla wei-lăng.

Luka 11:28

Mă-lei Yêsu khan: “Bơngai bu mơ̆ng nơ̆r 'Bok Kei-Dei păng pơm kiơ̆, sư boih hiôk hloh.”

Yo 13:17

Na dang ei iĕm băt boih tơdrong 'noh, yua kơ Inh bơtho. Dah iĕm răk tơdrong 'noh lei iĕm gô hiôk chơt tơduă iĕm tơpă.

Ya 1:25

Na gah tơdrong mơ̆ng đe bơtho tơdrong 'Bok Kei-Dei pơkă, bơngai bu mơ̆ng hăm pơm kiơ̆, ưh kơ hiơt dôm tơdrong đe bơtho, bơngai noh hiôk tơpă boih, yua kơ tơdrong 'Bok Kei-Dei 'lơ̆ng tơpă ăn kơ kon bơngai bơ̆n klaih rơngei đơ̆ng tơdrong yoch.

Tơdrông Tơ'bôh 22:14

Bơngai bu pih ao sư rơgoh bơngai noh boih hiôk. Bơngai noh gơh sa plei 'long mă kon bơngai arih ling-lang. Păng sư noh gơh mơ̆t 'măng dur Pơlei Jêrusalem 'nao.

I Sam 3:1

Samuel oei 'lơ̆p sư bơ̆jang kơ Kră Yang 'bơ̆t anăp Hêli. Kơplah noh nơ̆r, Kră Yang mă pơma dơnuh anăp mă hui kơđei, kư̆m hui kơ đei ăn kơ kon bơngai 'bôh tơdrong kiơ.