Tơdrông Pơđơk 29:14 - Sơ̆p Hlabơar Nơ̆r 'Bok Kei-Dei

¹⁴ Pơtao ayơ sek tơlang tơpăt kơ bơngai dơnuh hin. Tang-dŏ pơtao sư gô oei kơjăp ling-lang.

Tơdrông Pơđơk 29:14 ပူးပေါင်းရင်းမြစ်များ

Horiso 89:2

Inh gô khan: “Tơdrong 'mêm mơnat Ih oei oei ling-lang hlŏng hloi. Tơdrong tơpăt ih pơjing kơjăp thoi kơ plĕnh ti.”

Tơdrông Pơđơk 16:12

Pơm kơnê̆ 'mê̆ 'brư̆ noh lu pơtao areh dêh; Tang-dŏ pơtao kơjăp noh đơ̆ng tơdrong tơpăt.

Tơdrông Pơđơk 20:28

Tơdrong 'mêm păng tơnăp tơpă mă gơh wei pơtao, Đơ̆ng 'mêm mơnat pơkơ̆ng kơjăp tang-dŏ pơtao sư.

Tơdrông Pơđơk 25:5

Iŏk lê̆ lu bơngai pơm kơnê̆ đơ̆ng anăp pơtao. Na tang-dŏ pơtao pơjing kơjăp 'lơ̆ng tơpăt.

Tơdrông Pơđơk 28:16

Yŏng pơgơ̆r kơhlôh ngăl pơjuă pơđep. Mă-lei dah đei bu areh kơ sa lơi lơ gô arih sot.

Tơdrông Pơđơk 29:4

Đơ̆ng tơdrong tơpăt pơtao băt wei dêh char sư kơjăp; Mă-lei bơngai sa pơgâm pơgô̆ gô pơrăm char sư.

Êsai 1:17

Pơhrăm iŏk bĕ tơdrong 'lơ̆ng, chă lu tơdrong tơpăt, tơiung lu bơngai đe pơjuă, dŏng tơgŭm lu bơngai mơti, pơma dŏng lu bơngai adro.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Je 22:16

Sư sek tơdrong tơpăt kơ lu bơngai dơnuh hin hăm lu bơngai pơmat-tat, na sư đei tơdrong pŭn hiôk. Hăm trŏ sư pơm thoi noh wă khan sư băt kơ Inh? Noh Kră Yang khan:

Je 5:28

Lu sư bek plên, bơbling bơblang. Lu sư pơm kơnê̆ dêh ưh kơ tôch ôh; lu sư sek tơlang ưh kơ dŏng lu kon mơti, lu sư ưh kơ sek tơpăt ôh kơ lu bơngai dơnuh hin.”

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.