Tơdrông Pơđơk 29:13 - Sơ̆p Hlabơar Nơ̆r 'Bok Kei-Dei

¹³ Bơngai dơnuh hin păng bơngai đe pơjuă pơđep đei minh trong hơbĭ. Đơ̆ng Kră Yang ba tơdrong hơdah kơ măt bre sư.

Tơdrông Pơđơk 29:13 ပူးပေါင်းရင်းမြစ်များ

Mathiơ 5:45

thoi noh na iĕm gơh jing kon 'Bok Kei-Dei 'Bă bơ̆n tơ plĕnh ti, yua kơ Sư kư̆m 'mêm kơ lu bơngai noh, na Sư ăn măt 'năr pơchrang hơdah kơ đĭ-đăng bơngai, mă bơngai 'lơ̆ng mă bơngai kơnê̆. Sư ăn đak 'mi lei-lăi mơ̆n ưh kơ 'mêm kơ bu wă pơdê bu ôh.

Tơdrông Pơđơk 22:2

Bơngai mơdrŏng bơngai dơnuh kư̆m lei-lăi. Bre sư đơ̆ng Kră Yang pơjing ngăl.

Horiso 13:3

Ơ Kră Yang, Kră Yang 'Bok Kei-Dei inh apinh Ih lăng inh păng tơl nơ̆r inh, Pơih ăn măt inh hơdah, Hli kơ inh tep lăm lôch răm;

Êphêsô 2:1

Sơ̆ iĕm dang lôch yua kơ tơdrong yoch hăm dôm tơdrong kơnê̆ iĕm oei juăt kơ pơm.

I Kor 6:10

lu bơngai tơtông, lu bơngai 'nhĕng kơ mŭk tơmam đe, lu bơngai et sik suai, lu bơngai oei hiĕk achơ̆ kơ đe, iĕm 'nĕ ngêh lu sư gơh tŏk oei tơ dêh char 'Bok Kei-Dei ôh.

Mathiơ 9:9

Yêsu năm ataih 'biơ̆ đơ̆ng noh, na Sư 'bôh Mathiơ oei jang 'bơ̆t hnam thuê̆. Yêsu pơtơm sư khan: “Bĕ kiơ̆ Inh.” Na sư gruih iung kiơ̆ hloi Yêsu.

Esơra 9:8

Mă-lei dang ei lăm minh kơchon kơđeh đĕch Kră Yang 'Bok Kei-Dei lu nhôn đei pơdah boih tơdrong mơnat wă tơgŭm lu nhôn bơngai oei oăi arih brŏk tơ dêh 'lơ̆ng rơgoh păng ăn kơ lu nhôn minh anih kơjăp lăm anih 'lơ̆ng rơgoh Sư; wă kơ Kră Yang 'Bok Kei-Dei lu nhôn pơchrang ăn kơ măt lu nhôn păng ăn kơ lu nhôn hơdah oei arih 'biơ̆ tŏ sĕt kơplah lu nhôn jing đĭch đam đe.