Tơdrông Pơđơk 29:10 - Sơ̆p Hlabơar Nơ̆r 'Bok Kei-Dei

¹⁰ Bơngai juăt kơ tuh pham pơlôch đe areh kơ bơngai ưh kơ yoch, Mă-lei đei bơngai tơpăt băt bơwei tơdrong arih bơngai mă yoch.

Tơdrông Pơđơk 29:10 ပူးပေါင်းရင်းမြစ်များ

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

II Ho 18:7

Pơtao Isơrael tơl Jêhôsaphat khan: “Oei đei pă minh 'nu anăn sư Mikaia kon drŏ-nglo Imla, apinh sư krao khan apinh Kră Yang; mă-lei inh areh dêh kơ sư, yua kơ sư ưh kơ đei khan lê̆ adrol 'lơ̆ng gah inh tă kơ khan lê̆ adrol kơnê̆ ngăl gah inh.” Jêhôsaphat khan: “Apinh ih 'nĕ pơma thoi noh!”

Horiso 59:2

Apinh pơklaih inh đơ̆ng lu bơngai pơm kơnê̆! Păng pơklaih inh đơ̆ng lu bơngai chă pơlôch đe.

Tơdrông Pơđơk 13:19

Tơdrong hơpơi wă chă đei lei pơm kơ bơhngol rơngơp; Gah lu bơngai kơnê̆ wă lê̆ tơdrong yoch tơnat pat tơpă kơ lu bơngai kơhlôh.

Tơdrông Pơđơk 29:27

Bơngai kư̆ kă mă lăng krưp kơnê̆ dêh kơ bơngai tơpăt; Bơngai arih sa tơpăt lu bơngai pơm kơnê̆ kư̆m băt lăng krưp

Tơdrông Pơđơk 29:9

Dah đei bơngai hơgei oei pơjah hăm bơngai kơtul, Lăp tơhil tơblĕk hiĕk ăr ưh kơ gơh pơtruh băl.

Je 18:20

Đe pơm 'lơ̆ng hăm trŏ apah tơdrong kơnê̆? Lei liơ lu sư sir boih sơlŭng wă tơhuŏng inh. Apinh Ih 'blŏk kơ inh ngăl dơ̆ng 'bơ̆t anăp Ih apinh Ih ăn kơ lu sư tơdrong 'lơ̆ng, apinh Ih 'nĕ pă hil kơ lu sư.

Je 38:13

Na lu sư dui hơtŏk Jêrêmi đơ̆ng lăm sơlŭng; na Jêrêmi oei chĭt lăm cham anih lu linh gak.

Je 38:7

Êbet Mêlek bơngai Êthiôpi, sư khŭl linh bơngai jang oei wei lăm hnam pơtao kơtơ̆ng khan đe tah lê̆ Jêrêmi lăm sơlŭng đak, kơplah noh pơtao oei ngôi 'bơ̆t 'Măng Jang Bênjamin.

Luka 23:34

Na Yêsu khan kơ 'Bă Sư 'Bok Kei-Dei thoi âu: “Ơ 'Bă, apinh Ih 'nĕ jô̆ yo kơ lu sư, yua kơ lu sư ưh kơ băt lu sư oei pơm kiơ ôh.” Na lu linh ei pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Yo 5:34

Mă-lei Inh ưh kơ kăl kon bơngai pơma bơ̆ng Inh ôh. Inh khan kơ iĕm thoi âu: Yôhan bơtho tơpăt, wă kơ iĕm lui kơ nơ̆r Sư bơtho, na 'Bok Kei-Dei pơklaih yoch iĕm.

Jang 7:60

Klaih kơ noh sư sơtơ̆p kŭl-tăng pơma 'bơ̆r re thoi âu: “Ơ Kră Yang, Ih 'nĕ jô̆ yo kơ lu bơngai pơlôch inh.” Na sư lôch hloi. Sôl kư̆m wă kơ đe pơlôch Êtien mơ̆n.

Rom 10:1

Ơ lu 'nhŏng oh, inh wă tơpă kơ lu bơngai Isơrael klaih đơ̆ng tơdrong yoch. Inh krao khan kơ 'Bok Kei-Dei apinh tơdrong noh ling-lang.

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.