Tơdrông Pơđơk 29:1 - Sơ̆p Hlabơar Nơ̆r 'Bok Kei-Dei

¹ Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Tơdrông Pơđơk 29:1 ပူးပေါင်းရင်းမြစ်များ

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

I Pot 18:18

Êli tơl: “Inh ưh kơ pơrŭng ôh lu bơngai Isơrael, ih păng hnam 'bă ih pơrŭng lu bơngai Isơrael, yua kơ lu iĕm hŭt lê̆ tơdrong Kră Yang tơtă na lui kiơ̆ yang Baal.

I Pot 20:42

Bơngai khan lê̆ adrol 'noh khan kơ pơtao Isơrael: “Kiơ̆ thoi nơ̆r Kră Yang khan: ‘Yua kơ ih achăng bơngai mă Inh jao ăn kơ ih wă kơ ih pơlôch sư. Na tơdrong arih ih gô tơplih tơdrong arih sư, păng tơdrong arih lu kon pơlei ih gô tơplih tơdrong arih lu kon pơlei pơla sư.’ ”

I Pot 22:28

Mikai tơl: “Tơdah ih brŏk hiôk-hian lei Kră Yang ưh kơ yua nơ̆r inh pơma ôh.” Sư khan dơ̆ng: “Ơ rim 'nu kon pơlei pơla, iĕm athei 'blŏk nơ̆r inh pơma.”

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

II Ho 33:10

Kră Yang bơtho khan kơ Manase păng kon pơlei sư; mă-lei lu sư ưh kơ wă mơ̆ng.

II Ho 36:13

Sư kư̆m iung blah pơtao Nebukatnessar, bơngai mă athei sư pơkă yua anăn Kră Yang 'Bok Kei-Dei. Sư jing kơchu arăng kơ̆l, ưh kơ wă wih tơ Kră Yang 'Bok Kei-Dei Isơrael.

Ne 9:29

Ih pơma chrih kơ lu sư, wă kơ chông lu sư wih brŏk dơ̆ng tơ khôi juăt Ih lei ră lu sư kư̆ pơang kuă kơ mơ̆ng dôm lu khôi juăt Ih, pơm glăi kơ tơdrong juăt Ih. Tơdrong juăt mă tơdah bơngai bu chu pơm kiơ̆ gơh đei tơdrong arih; lu sư arăng kơ̆l wih rŏng ưh kơ wă pơm kiơ̆.

Jop 9:4

Kră Yang 'Bok Kei-Dei mơsêh păng hơgei, hăm đei bu kĕ pơjah pơjăng hăm Kră Yang 'Bok Kei-Dei na jei sư?

Le 9:7

Na Pharaôn wơh bơngai năm lăng, 'bôh ưh kơ đei minh pôm sem dơrong, lu bơngai Isơrael lôch ôh. Mă-lei Pharaôn oei arăng kơ̆l, ưh kơ chu ăn kon pơlei năm.

Tơdrông Pơđơk 28:14

Bơngai bu băt hli yom kơ Kră Yang gô đei pŭn hiôk; Bơngai bu ưh kơ chu arăng kơ̆l gô răm.

Tơdrông Pơđơk 28:18

Bơngai bu oei arih sa 'lơ̆ng tơpăt gô đei dŏng pơklaih; Bơngai bu kiơ̆ trong đŏng gô huŏng ưh kơ tam băt.

Tơdrông Pơđơk 28:28

Layơ tơdah lu bơngai kơnê̆ iung pơgơ̆r, đe kơdâu ôn đĭ, Mă-lei dah lu sư lôch, lu bơngai tơpăt jing rai lơ.

Tơdrông Pơđơk 6:15

Na tơdrong pơmat-tat truh kơ sư ưh kơ tam băt. Sư kơdrăt răm hloi, pă gơh klaih dơ̆ng.

Êsai 28:22

Thoi noh, na iĕm 'nĕ pă pơjăm, kơnh hli kơ glang chô̆ iĕm gơhret rai kơjăp, inh kơtơ̆ng đơ̆ng Kră Yang Kră Yang Tih Hloh pơkă wă pơrăm đĭ dêh char 'nâu.

Êsai 48:4

Yua kơ Inh băt lu iĕm arăng kơ̆l, hơko iĕm huan thoi bơsei, klĕng iĕm thoi kong,

Je 14:19

Lei Ih wă achăng lê̆ lu bơngai Juđa hă? Ih kư̆m areh kơ Siôn hă? Liơ ih teh tôn lu nhôn, dĭng mah rơka lu nhôn hơmet pă klaih? Lu nhôn hơmĕng rŏ kơ hiôk-hian, Mă-lei ưh kơ đei tơdrong 'lơ̆ng; lu nhôn wă kơ gơh klaih, mă-lei rai tơ'bơ̆p tơdrong hli krưp.

Je 17:23

Mă-lei, lu sư ưh kơ wă mơ̆ng; ưh kơ wă pơgling đon; arăng kơ̆l ưh kơ wă mơ̆ng păng kư̆m ưh kơ wă chu Inh bơtho.”

Je 36:31

Inh gô phak sư, phak lu kon sâu sư păng lu yŏng pơgơ̆r yua kơ tơdrong yoch lu sư. Inh gô ăn tơdrong truh kơ lu sư, lu kon pơlei Jêrusalem păng bơngai Juđa, tơdrong phak pơrăm Inh đei khan tơbăt lê̆ kơ lu sư adrol boih, mă-lei lu sư ưh kơ wă mơ̆ng.”

Habakuk 2:7

Ưh kơ đei bu wă kăp plơ̆ ih hă? Lu bơngai druh rôp ih ưh kơ hơđơ̆r hă? Ih đe gô tơgar iŏk.

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.

Yo 13:26

Yêsu khan: “Dang ei Inh iŏk 'bĕng mi djrŭ lăm đak 'nhĕm na ăn, bơngai bu iŏk, bơngai ei boih plơ̆ plĕch kơ Inh.” Na Yêsu iŏk 'bĕng mi djrŭ lăm đak 'nhĕm ăn kơ Juđa kon Simôn Ikariôt iŏk.

Jang 1:18

“Juđa iŏk jên đơ̆ng bơngai wă rôp Yêsu na đơ̆ng jên ei sư blơ̆ răt mir đe. Đơ̆ng noh na Juđa sư pơrăm kơdih akâu, sư huŏng hơtat pơchah klak lôch hloi.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

I Sam 2:25

Tơdah minh 'nu bơngai pơm yoch hăm bơngai nai, Kră Yang 'Bok Kei-Dei pơm 'long sơlam bre sư; mă-lei tơdah pơm yoch hăm Kră Yang, bu mă gơh krao tơgŭm sư? Mă-lei bre sư ưh kơ wă mơ̆ng ôh nơ̆r 'bă lu sư; Thoi noh Kră Yang pơlôch bre sư.

I Sam 2:34

Tơdrong âu gô truh kơ 'bar 'nu kon drŏ-nglo ih Hopni păng Phinêhas wă tơbăt kơ ih; dôm tơdrong gô trŏ thoi Inh đei khan bre sư gô lôch lăm minh năr.