Tơdrông Pơđơk 28:8 - Sơ̆p Hlabơar Nơ̆r 'Bok Kei-Dei

⁸ Bơngai bu pơm kơ mơdrŏng rai tŏk iŏk đơ̆ng sa kiĕng lơ. Jên kăk răt pơpôi ăn kơ bơngai băt mơnat kơ lu dơnuh hin.

Tơdrông Pơđơk 28:8 ပူးပေါင်းရင်းမြစ်များ

II Sam 12:6

Sư athei duh 'mong puăn plơ̆ng, yua kơ sư pơm thoi noh, sư ưh kơ đei jơhngơ̆m băt mơnat.”

Horiso 72:13

Sư gô mơnat kơ lu pơmat-tat păng lu hoh kơ đei, Păng pơklaih tơdrong arih lu bơngai kơ'bah kơ'bôch.

Le 22:25

Tơdah lu iĕm ăn kơ lu 'nhŏng oh dơnuh tŏk iŏk jên, 'nĕ kơ iŏk jên kiĕng thoi bơngai juăt ăn đe tŏk iŏk.

Tơdrông Pơđơk 13:22

Bơngai 'lơ̆ng mong tơmam ăn kơ lu kon sâu sư. Mă-lei bơngai kơnê̆ lê̆ tơmam sư kơ lu bơngai tơpăt.

Tơdrông Pơđơk 14:21

Bơngai bu areh kơ rông 'bôt sư noh bơngai yoch; Mă-lei pŭn hiôk dêh kơ bơngai bu băt mơnat kơ bơngai dơnuh hin.

Tơdrông Pơđơk 14:31

Bơngai bu pơjăm pơjuă bơngai dơnuh hoh noh pơjăm kơ Tơ'ngla pơjing sư; Bu mă 'mêm mơnat kơ bơngai dơnuh hoh noh ư-ang kơ Kră Yang.

Tơdrông Pơđơk 19:7

Đĭ-đăng 'nhŏng oh bơngai dơnuh kư̆m areh kơ sư; Pơma kiơ lu buăl juăt đĕch kư̆m achăng lê̆ sư. Sư druh chă wă pơlung, tơ yơ pă 'bôh dơ̆ng lu sư.

Bôk Bơthô 2:26

'Bok Kei-Dei ăn tơdrong hơgei hlôh băt păng ăn hiôk chơt kơ đe bu mă pơm trŏ thoi sư lăp đon; mă-lei sư ăn kơ lu bơngai yoch khŏm jang gleh hrat na gơh đei tơmam, mong 'măn lê̆, đơ̆ng noh ăn kơ lu bơngai pơm trŏ thoi 'Bok Kei-Dei lăp đon, tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Êsêkiên 18:13

ăn tŏk iŏk sa lơi adrol păng iŏk lơi lơ, kon sư noh hăm gơh arih ưh? Sư ưh kơ đei arih ôh! Yua kơ sư hlôi pơm yoch dôm tơdrong kơnê̆, tơpă sư gô lôch păng pham sư gô tuh kơ kơ̆l sư.

Êsêkiên 18:17

Ti ưh kơ đei pơm kơnê̆ kơ lu bơngai dơnuh, ăn kơ đe tŏk iŏk ưh kơ đei iŏk lơi adrol dah iŏk lơi lơ, Chu wei răk nơ̆r Inh tơtă păng pơm kiơ̆ khôi juăt Inh, sư ưh kơ lôch ôh yua kơ tơdrong yoch kơnê̆ đơ̆ng 'bă sư, tơpă sư gô đei tơdrong arih.

Êsêkiên 18:8

Ăn kơ đe tŏk iŏk ưh kơ iŏk lơi adrol ưh kơ iŏk lơi lơ, ưh kơ mơ̆t hơdai lu bơngai pơm ưh kơ 'lơ̆ng tơpăt, sek tơlang tơpăt lăm tơduă kon bơngai.

Lêwi 25:36

'Nĕ kơ sa lơi kư̆m 'nĕ kơ iŏk yua đơ̆ng sưa sơmă athei hli yom kơ Kră Yang 'Bok Kei-Dei ih, na 'nhŏng oh ih gô oei hơdai ih.