Tơdrông Pơđơk 28:18 - Sơ̆p Hlabơar Nơ̆r 'Bok Kei-Dei

¹⁸ Bơngai bu oei arih sa 'lơ̆ng tơpăt gô đei dŏng pơklaih; Bơngai bu kiơ̆ trong đŏng gô huŏng ưh kơ tam băt.

Tơdrông Pơđơk 28:18 ပူးပေါင်းရင်းမြစ်များ

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!

Horiso 25:21

Ăn tơdrong 'lơ̆ng rơgoh păng tơdrong tơpăt wei-lăng inh, Yua kơ inh chang gô Ih.

Horiso 26:11

Gah inh, inh yak năm lăm trong 'lơ̆ng rơgoh, Apinh Ih pơklaih inh păng mơnat kơ inh.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Tơdrông Pơđơk 10:25

Tơdah hơbŭt truh, lu bơngai pơm kơnê̆ ưh pă đei dơ̆ng; Mă-lei lu bơngai pơm 'lơ̆ng hơnă jrăng oei đei ling-lang.

Tơdrông Pơđơk 10:27

Tơdrong hli yom kơ Kră Yang ba thim khei năr; Mă-lei khei sơnăm lu bơngai pơm kơnê̆ gô rai djăl.

Tơdrông Pơđơk 10:9

Bơngai bu năm kiơ̆ trong tơpăt băt yak hiôk-hian. Mă-lei bơngai bu yak kiơ̆ trong đŏng gô pơmat.

Tơdrông Pơđơk 28:10

Bơngai bu ba lu bơngai tơpăt kiơ̆ trong kơnê̆. Gô huŏng lăm sơlŭng đêl lu sư sir; Mă-lei đei tơdrong pŭn hiôk kơ lu bơngai 'lơ̆ng tơpăt.

Tơdrông Pơđơk 28:6

Kơtrơ̆m dơnuh hoh oei sa tơpăt. 'Lơ̆ng hloh kơ mơdrŏng nŏng kiơ̆ tơdrong hơlĕnh pơdăr.

Jo 22:21

Thoi noh, Balaam iung đơ̆ng hrôih, drôih iŏk an aseh iĕ sư hao năm kiơ̆ lu kră pơgơ̆r char Môap.

Jo 22:32

Linh jang Kră Yang khan: Liơ ih teh aseh ih pêng wơ̆t? 'Nâu inh năm tơ âu wă găn ih, yua kơ inh 'bôh ih wă năm kiơ̆ trong năm tơ tơdrong hiong răm.

Jo 22:35

Linh jang Kră Yang khan kơ Balaam thoi âu: Yak năm hơdai bĕ lu đe noh, mă-lei ih wă pơma kiơ ih athei mơ̆ng kơ inh athei pơma. Balaam sư yak năm hơdai lu kră pơgơ̆r đơ̆ng pơtao Balak wơh.

Galati 2:14

Inh 'bôh lu sư kiơ̆ tơdrong 'nao 'lơ̆ng Yêsu ưh kơ 'blep trŏ thoi noh boih na inh bơtho Pêtrôs 'bơ̆t anăp lu sư thoi âu: “Ih bơngai Juđê, krô hmă ih ưh pă wă kiơ̆ boih tơdrong juăt bơngai Juđê, na dang ei thoi yơ ih wă athei lu bơngai ưh kơ khŭl bơ̆n kiơ̆ tơdrong juăt bơ̆n so dơ̆ng?”

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

Tơdrông Tơ'bôh 3:3

Thoi noh na iĕm athei 'blŏk hơdơ̆r kơ dôm tơdrong iĕm kơtơ̆ng đe bơtho iĕm sơ̆ thoi yơ, iĕm athei pơm kiơ̆ thoi noh păng tơbral kơdih dôm tơdrong yoch mă iĕm juăt kơ pơm. Dah iĕm ưh kơ adrin pơjăng 'biơ̆, lei Inh gô năm tơ iĕm thoi bơngai tơtông kơmăng, pơm kơ iĕm đei tơdrong gleh truh kơplah iĕm ưh kơ lêng ê.