Tơdrông Pơđơk 28:14 - Sơ̆p Hlabơar Nơ̆r 'Bok Kei-Dei

¹⁴ Bơngai bu băt hli yom kơ Kră Yang gô đei pŭn hiôk; Bơngai bu ưh kơ chu arăng kơ̆l gô răm.

Tơdrông Pơđơk 28:14 ပူးပေါင်းရင်းမြစ်များ

Jop 9:4

Kră Yang 'Bok Kei-Dei mơsêh păng hơgei, hăm đei bu kĕ pơjah pơjăng hăm Kră Yang 'Bok Kei-Dei na jei sư?

Horiso 112:1

Halêluya! Pŭn dêh bu băt kơ hli yom kơ Kră Yang. 'Maih wă dêh kơ tơdrong juăt Sư!

Horiso 16:8

Inh 'măn Kră Yang ling-lang 'bơ̆t anăp inh; Inh ưh kơ đei hli kiơ, yua kơ Sư oei gah 'ma kơ inh.

Horiso 2:11

Athei bơ̆jang kơ Kră Yang hăm tơdrong hli yom, Păng chơt hiôk bĕ truh akâu pơpơ̆.

Horiso 95:8

Jơhngơ̆m iĕm 'nĕ pă arăng thoi tơ Mêriba. Thoi lăm năr tơ Masa lăm char 'blach.

Le 14:23

Lu bơngai Êyiptơ druh kiơ̆ lu sư; đĭ-đăng aseh, gre aseh sư păng lu chĕp gre aseh Pharaôn, lu sư mơ̆t kiơ̆ đơ̆ng rŏng jur lăm tŏk-bŏk đak dơsĭ.

Le 7:22

Kơplah noh lu 'bok pơjâu tơwir bơngai Êyiptơ kư̆m gơh pơm tơwir lei-lăi thoi noh, na jơhngơ̆m Pharaôn, oei arăng ưh kơ chu, ưh kơ mơ̆ng Môis păng Arôn tŏ sĕt, trŏ thoi nơ̆r Kră Yang đei khan.

Le 7:23

Pharaôn wih brŏk tơ hnam sư jơhngơ̆m sư ưh kơ đei hiơ̆k tơchĕng kiơ kơ tơdrong noh.

Tơdrông Pơđơk 23:17

'Nĕ ăn jơhngơ̆m ih arih 'ngeng kơ lu bơngai yoch. Mă-lei athei arih băt hli yom kơ Kră Yang rim năr.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Bôk Bơthô 8:12

Yua kơ lu bơngai mă pơm kơnê̆ hơdôm hrĕng wơ̆t, kư̆m oei arih sot; lei ră inh băt lu bơngai hli yom kơ Kră Yang 'Bok Kei-Dei, sĭt gô đei tơdrong pŭn hiôk yua lu sư hli yom Kră Yang 'Bok Kei-Dei.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Rom 11:20

Iĕm khan thoi noh trŏ mơ̆n mă-lei yua kơ kiơ 'Bok Kei-Dei chre hŭt dơng noh? Yua kơ sư ưh kơ chu lui. Na iĕm kư̆m lei-lăi, yua kơ iĕm lui na Sư klop tơ noh. 'Noh na iĕm 'nĕ pơang kơ đe, kơnh 'Bok Kei-Dei chre hŭt iĕm dơ̆ng.

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Hêbrơ 4:1

'Bok Kei-Dei kư̆m pơkă kơ bơ̆n gơh mơ̆t pơdơh tơ dêh char Sư, thoi noh na bơ̆n athei kơchăng tơpă hli kơ bơ̆n lê̆ tơdrong lui, Sư ưh kơ ăn mơ̆t.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.