Tơdrông Pơđơk 28:13 - Sơ̆p Hlabơar Nơ̆r 'Bok Kei-Dei

¹³ Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Tơdrông Pơđơk 28:13 ပူးပေါင်းရင်းမြစ်များ

Bl 4:9

Kră Yang jet Kain thoi âu: “Oh ih Abel tơ yơ?” Sư tơl: “Inh ưh kơ băt, inh bơngai wei oh inh ah?”

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

II Sam 14:32

Apsalôm tơl sư: “Inh wơh bơngai năm krao ih, năm tơ âu. Inh wă kơ ih năm pơma dơnuh hăm pơtao tơgŭm inh. Inh đơ̆ng dêh Gêsur wih tơ âu wă pơm kiơ? Kơtrơ̆m lê̆ inh oei tơ noh đĕch 'lơ̆ng hloh. Na dang ei, inh 'maih năm lĕch tơ'bơ̆p pơtao; tơdah inh đei tơdrong yoch kơnê̆ kiơ, apinh pơtao jah pơlôch inh bĕ.”

II Pot 20:15

Êsai khan: “Ih ăn kơ lu sư lăng kiơ tơ hnam pơtao ih?” Hesekia tơl: “Lu sư lăng tôm bơih tơmam lăm hnam inh. Inh tơhlâu tơ'bôh ăn kơ lu sư lăng đĭ-đăng tôm tơmam lăm hnam inh mong, pă đei lon kiơ bơih.”

II Ho 6:26

Mưh plĕnh tang đĭ ưh kơ đei 'mi, yua kơ đơ̆ng kon pơlei Isơrael pơm yoch hăm Ih na lu sư tơkan tơ hnam âu krao pôk anăn Ih tơbral yoch kơdih yua kơ Ih phak lu sư pơmat-tat boih.

Esơra 10:11

Thoi noh dang ei, tơbral bĕ tơdrong yoch iĕm kơ Kră Yang Kră Yang 'Bok Kei-Dei 'bok lu iĕm păng pơm kiơ̆ kơ Sư lăp đon; athei weh bĕ đơ̆ng lu adrĕch tơmoi lăm dêh âu păng đơ̆ng lu bơngai tơmoi mă lu iĕm iŏk pơm akăn.

Esơra 10:2

Sêkania kon drŏ-nglo Jêhiêl, lu kon sâu Êlam sư khan kơ Esơra thoi âu; lu nhôn đei pơm yoch hăm Kră Yang 'Bok Kei-Dei lu bơ̆n na iŏk oei boih kơ lu kon drŏ-kăn bơngai tơmoi adrĕch adrung lăm dêh 'nâu; mă khan lu nhôn đei pơm thoi noh ră, kư̆m oei đei tơdrong hơmĕng mă wă ăn kơ đe Isơrael.

Ne 9:2

Adrĕch Isơrael tơklah đơ̆ng lu bơngai tơmoi, iung tơbral tơdrong yoch kơdih păng tơdrong kơnê̆ đơ̆ng 'bok lu sư.

Jop 31:33

Inh ưh kơ đei ôn tơdrong yoch inh thoi Ađam. Na 'bŭ ôn tơdrong yoch kơnê̆ lăm jơhngơ̆m.

Jop 33:27

Sư hat hơri păng roi tơbăt 'bơ̆t anăp đĭ-đăng bơngai. ‘Inh pơm yoch bơih yak đŏng đĕo weh đơ̆ng trong tơpăt. Mă-lei Kră Yang ưh kơ đei phak kiơ̆ kơ inh yoch.

Jop 34:31

Hăm đei bơngai bu khan kơ Kră Yang 'Bok Kei-Dei: “Inh chu pŭ tơdrong Ih phak bơtho, inh ưh pă pơm kơnê̆ dơ̆ng;

Horiso 51:10

Ơ Kră Yang 'Bok Kei-Dei! Apinh Ih pơjing lăm Inh đei minh jơhngơ̆m 'lơ̆ng rơgoh,a Păng pơjing ming 'nao lăm inh minh pôm bơhngol tơpăt.

Tơdrông Pơđơk 10:12

Tơdrong areh jing tơdrong tơhil; Mă-lei đei tơdrong 'mêm mơnat 'bŭ đĭ lu tơdrong yoch.

Tơdrông Pơđơk 17:9

Bơngai huay kơ jô̆ đe yoch chă tơdrong 'mêm. Bơngai tơ'blŏk tơdrong yoch đe gô hiong buăl juăt.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Je 2:35

‘Lu iĕm oei khan nhôn ưh kơ đei yoch, Kră Yang huay hil kơ nhôn. 'Nâu yua kơ iĕm khan nhôn ưh kơ đei yoch kiơ.’ Inh gô sek tơlang kơ iĕm.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Lêwi 5:5

Kơplah bu mă đei pơm yoch minh lăm tơdrong âu, sư athei roi tơdrong yoch sư mă pơm boih.

Jôna 3:10

Kơplah noh Kră Yang 'Bok Kei-Dei 'bôh tơdrong lu sư hŭt achăng lê̆ đĭ trong kơnê̆, Kră Yang 'Bok Kei-Dei 'mêm mơnat ưh kơ pơrăm lu sư kiơ̆ thoi sư đei pơkă wă pơrăm.

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Lu 10:15

Kon pơlei Isơrael khan kơ Kră Yang: Lu nhôn pơm yoch boih. Apinh ih pơm bĕ kơ lu nhôn kiơ̆ Ih lăng trŏ, na apinh Ih dŏng pơklaih lu nhôn năr 'nâu!

I Sam 15:13

Samuel năm tơ'bơ̆p Sôl; Sôl kơkuh kơ sư: Hơpơi kơ Kră Yang ăn pŭn hiôk kơ ih! Inh pơm kiơ̆ boih dôm nơ̆r đơ̆ng Kră Yang tơtă.

I Sam 15:24

Sôl chu iŏk nơ̆r Samuel khan: Inh đei pơm yoch boih ưh kơ wă chu nơ̆r Kră Yang tơtă păng đơ̆ng nơ̆r ih bơtho khan. Inh hli kơ lu kon pơlei na mơ̆ng pơm kiơ̆ nơ̆r lu sư.

I Sam 15:30

Sôl apinh lung: Inh đei yoch; mă-lei apinh ih pơyom kơ inh 'bơ̆t anăp lu đe kră wei-lăng kon pơlei inh păng 'bơ̆t anăp lu bơngai Isơrael; apinh ih wih jơ̆ inh dơ̆ng na inh gô kơkuh kơ Kră Yang 'Bok Kei-Dei ih.