Tơdrông Pơđơk 28:10 - Sơ̆p Hlabơar Nơ̆r 'Bok Kei-Dei

¹⁰ Bơngai bu ba lu bơngai tơpăt kiơ̆ trong kơnê̆. Gô huŏng lăm sơlŭng đêl lu sư sir; Mă-lei đei tơdrong pŭn hiôk kơ lu bơngai 'lơ̆ng tơpăt.

Tơdrông Pơđơk 28:10 ပူးပေါင်းရင်းမြစ်များ

Horiso 139:24

Apinh Ih lăng lăng inh hăm đei yoch kơnê̆ kiơ ưh? Apinh Ih chông anhăk inh lăm trong arih ling-lang. Anih jrŭ wă khan lăm tơpu kon.

Horiso 37:11

Mă-lei lu bơngai 'lơ̆ng tơpăt gô đei teh jang sa. Păng 'nă hal lăm tơdrong rơnŭk rơnua tih.

Horiso 57:6

Lu sư dăng hơnhuăl kơ jơ̆ng inh. Bơhngol inh rơdu rơmơ̆n. Lu sư sir sơlŭng 'bơ̆t anăp inh. Mă-lei lu sư huŏng kơdih tơ lăm noh. Sêla

Horiso 9:15

Lu kon pơlei pơla huŏng boih lăm sơlŭng đơ̆ng lu sư sir; Jơ̆ng lu sư đom boih lăm hơnhuăl đêl lu sư dăng

Tơdrông Pơđơk 10:3

Kră Yang ưh kơ lê̆ ôh lu bơngai tơpăt pơngot rơwĕt. Mă-lei sư sơngah tơdrong bơngai kư̆ kă wă.

Tơdrông Pơđơk 15:6

Lăm hnam bơngai hơgei đei mŭk tơmam gĭt tih. Tơmam lu bơngai kư̆ kă tă kơ đei truh tơdrong răm.

Tơdrông Pơđơk 2:21

Yua kơ lu bơngai tơpăt gô oei tơ lăm teh đak đêl pơkă, păng lu bơngai arih sa 'lơ̆ng gô oei tơ noh ling-lang.

Tơdrông Pơđơk 21:20

Lu bơngai hơgei đei 'măn tơmam gĭt păng rơmă plei ôliwơ; Bơngai kơtul kơwao sa đĭ tơmam sư đei.

Tơdrông Pơđơk 26:27

Bu sir sơlŭng sư gô huŏng tơ lăm noh, Bu tơgrŏl tơmo, tơmo gô grŏl kơtĭt plơ̆ sư.

Tơdrông Pơđơk 28:18

Bơngai bu oei arih sa 'lơ̆ng tơpăt gô đei dŏng pơklaih; Bơngai bu kiơ̆ trong đŏng gô huŏng ưh kơ tam băt.

Bôk Bơthô 10:8

Bơngai bu sir sơlŭng phŏ gô puh huŏng lăm sơlŭng, na bơngai bu yuih tơnăr hnam, phŏ 'bih gô choh sư.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Galati 2:4

Đei mơ̆n lu bơngai nai đĕch athei nhôn kăt tơdra akar Tĭt. Mă-lei lu bơngai noh ưh kơ trŏ bơngai lui tơpă ôh. Lu sư mơ̆t akŭm hơdai hăm nhôn, lăng sư thoi bơngai lui mơ̆n, mă tơpă lăm to sư ưh ôh. Bơ̆n bơngai rơngei yua kơ bơ̆n lui kơ Yêsu Krist. Bơ̆n ưh kơ kăl kiơ̆ dôm tơdrong juăt lu bơngai Juđê mă đơ̆ng Môis pơkă kơ sư. Lu sư mơ̆t akŭm hơdai nhôn wă chă lăng tơdrong bơ̆n lui thoi yơ, lu sư wă kơ bơ̆n kiơ̆ dôm tơdrong juăt lu bơngai Juđê. Tơdrong juăt bơngai Juđê anat tơpă, dah bu wă kiơ̆, bơngai 'noh sư dang jing đĭch.

Hêbrơ 6:12

Nhôn ưh kơ wă kơ iĕm alah ôh; nhôn wă kơ iĕm adrin lui kiơ̆ mă trŏ thoi lu đe kră sơ̆, lu sư lui khŏm khŏm tơpă, na 'Bok Kei-Dei ăn tơpă tôm tơdrong mă Sư đêl pơkă.

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.

I Sam 26:19

Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.