Tơdrông Pơđơk 27:9 - Sơ̆p Hlabơar Nơ̆r 'Bok Kei-Dei

⁹ Tơmam 'bâu phu păng pơgang 'bâu phu pik pơm kơ jơhngơ̆m hiôk chơt. Nơ̆r pơlung đơ̆ng lu bôl buăl kư̆m hiôk chhơp thoi noh.

Tơdrông Pơđơk 27:9 ပူးပေါင်းရင်းမြစ်များ

I Pot 1:12

Thoi noh, na dang ei năm tơ âu bĕ, inh tơbăt kơ ih trong wă kơ ih pơklaih tơdrong arih ih kơdih păng pơklaih tơdrong arih kon drŏ-nglo ih Sôlômôn.

Horiso 104:15

Sik hơmu tơmam pơhiôk jơhngơ̆m kon bơngai. Đak rơmă ôliwơ pơm ăn kơ muh măt hơdah hơdong, Por sŏng wă ăn kơ jơhngơ̆m kon bơngai pran.

Horiso 133:2

Noh kư̆m thoi đak rơmă 'bâu gĭt tuh tơ kơpal kơ̆l. Ro jur tơ sŏk kang, sŏk kang Arôn. Ro truh tơ hơko ao sư;

Horiso 141:5

Ăn kơ bơngai tơpăt teh inh, chrih kơ inh hăm tơdrong 'lơ̆ng. Noh thoi tuh đak rơmă tơ kơ̆l inh; 'Nĕ ăn kơ inh sơngah kơ tơdrong noh. Yua kơ inh ngăl krao khan blah tơdrong kơnê̆ đe pơm.

Horiso 23:5

Kră Yang hơmet ăn kơ inh gơ'bang sŏng sa. 'Bơ̆t anăp lu bơngai ayăt kơ inh; Kră Yang tuh đak rơmă tơ kơ̆l inh, kơchŏk inh 'bĕnh blai.

Tơdrông Pơđơk 15:23

Nơ̆r tơl trŏ pơm kơ đe hiôk chơt; Nơ̆r pơma lăp kiăp trŏ 'lơ̆ng dêh.

Tơdrông Pơđơk 16:21

Bu đei đon gơh hơgei đe jô̆ bơngai hlôh wao; Nơ̆r pơma rơngơp pơtrơp thim tơdrong hlôh băt.

Tơdrông Pơđơk 7:17

Iŏk 'long pơgang 'bâu phu lu 'long hol, pik lê̆ sư kơpal giơng inh 'bĭch.

Hơri Hiôk 1:3

Đak pơgang ih 'bâu phu, Đe ư-ang kơ ih thoi đak pơgang 'bâu phu; Thoi noh na lu adruh 'nao iung hưch kơ ih.

Hơri Hiôk 3:6

Bơngai bu lĕch đơ̆ng char glă to noh, Dơhmôl thoi jrăng 'nhui Bluh hơyuh 'bâu phu. Hăm tôm tơdrong 'bâu phu đơ̆ng kơ lu bơngai mơdro tĕch?

Hơri Hiôk 4:10

Ơ mŏ adruh inh, ŭnh om inh! Tơdrong hơyuh ih 'lơ̆ng 'ngam hloh kơ sik hơmu. 'Bâu phu đak pơgang đơ̆ng ih 'bâu 'lơ̆ng hloh kơ lu tơmam 'bâu phu nai!

Yo 12:3

Mari chĕp minh gŏl đak pơgang 'bâu phu. Pơgang ei đe gĭt tơpă dang minh puăt kilô. Na Mari tuh 'bơ̆t jơ̆ng Yêsu; sư sut jơ̆ng Yêsu hăm sŏk sư kơdih na pơgang ei 'bâu jơ̆p-jang lăm hnam.

Jang 28:15

Lu 'nhŏng oh lui kơ Yêsu oei tơ Pơlei Rôm kơtơ̆ng ang nhôn wă năm tơ pơlei sư, na lu sư năm truh tơ Pơlei Appi păng Pơlei Tre Taberna, na lu sư sơng iŏk nhôn. Lăp Pôl tơ'bơ̆p lu sư, na Pôl khan bơnê kơ 'Bok Kei-Dei păng sư 'nă hal yua kơ sư 'bôh bôl sư.

Lu 9:9

Mă-lei 'long ôliwơ tơl lu sư: Na Inh wă lê̆ kơ ăn đak rơmă mă Kră inh hă, mă yang hăm kon bơngai ư-ang, na năm chă hơtŭt 'bơm pơgơ̆r lu tơm 'long hă?