Tơdrông Pơđơk 27:23 - Sơ̆p Hlabơar Nơ̆r 'Bok Kei-Dei

²³ Ih lăng băt kơnăl kơ triu ih sư thoi yơ, Păng bơwei lu khŭl rơmo ih mă 'lơ̆ng.

Tơdrông Pơđơk 27:23 ပူးပေါင်းရင်းမြစ်များ

Bl 33:13

Jakôp tơl: Ơ 'nhŏng, Ih băt boih kơ lu hơ'lơ̆p oei 'lơ̆p dêh; păng oh oei chă chơng lăng lu triu păng rơmo yŏng mă kon sư oei mŏm; tơdah bơ̆n yak năm dơ̆ng pă minh năr lei kơnh hli kơ lu sư lôch đĭ.

II Ho 26:10

Sư kư̆m pơm lơ hnam thôt tơ lăm tơmăn glă păng đei sir sơlŭng đak, yua kơ sư đei sem dơrong tơ kơpal groi tơ lăm thŭng glă; kư̆m đei lơ bơngai pơm mir, pơgar hơmu tơ kơpal kông groi păng tơ teh mơ̆r, pơtao sư 'maih jang mir 'ba.

Le 7:23

Pharaôn wih brŏk tơ hnam sư jơhngơ̆m sư ưh kơ đei hiơ̆k tơchĕng kiơ kơ tơdrong noh.

Tơdrông Pơđơk 24:27

Pơm đang tơdrong jang ih tơ 'nguaih pơgar bĕ, choh bĕ mir na ih; Đơ̆ng rŏng kơ noh pơm bĕ hnam ih.

Tơdrông Pơđơk 24:32

Inh lăng păng hơlen tơ noh. 'Bôh hŏk iŏk pơhrăm.

Je 31:10

Mơ̆ng bĕ nơ̆r Kră Yang, ơ kon bơngai jơ̆p kơ dêh char; Ră roi bĕ nơ̆r âu tơ jơ̆p pơlei lăm bŏl đak dơsĭ ataih khan: ‘Kră Yang Tơ'ngla mă pơm ăn kơ adrĕch Isơrael tơklah tơklang, Sư wă akŭm pơpôi ba wih brŏk dơ̆ng, Sư gô wei thoi bơngai wei khŭl triu sư.’

Êsêkiên 34:12

Thoi bơngai wei triu oei hơdai triu păng jô̆ lăng khŭl triu hiong, Inh kư̆m jô̆ lăng khŭl triu Inh; Inh gô dŏng pơklaih lu sư đơ̆ng rim anih mă lu sư tơklah tơklang lăm năr măng mu gueo.

Êsêkiên 34:31

Lu sư triu Inh, triu oei lăm anih 'nhĕt Inh; lu iĕm jing kon bơngai Inh păng inh boih Kră Yang 'Bok Kei-Dei lu iĕm, Kră Yang khan thoi noh.

Yo 10:3

Na bơngai gak 'măng pơih ăn kơ tơ'ngla sư 'măng hloi. Mă triu kư̆m kơnăl kơ 'bơ̆r tơ'ngla sư mơ̆n. Na tơ'ngla sư krao tôm kơ anăn lu sư, na tơlĕch lu sư kiơ̆ tơ'ngla sư lĕch tơ 'ngoaih.

Both 32:46

na sư khan kơ kon pơlei: Lăm jơhngơ̆m lu iĕm athei wei răk bĕ đĭ dôm nơ̆r inh roi ăn kơ lu iĕm lăm năr 'nâu, wă kơ lu iĕm gơh bơtho ăn kơ lu kon sâu iĕm pơm kiơ̆ dôm nơ̆r lăm khôi juăt noh.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

I Sam 17:28

Mă-lei Êliap 'nhŏng kơdră sư, hil kơ Đawit pơma apinh thoi noh, na khan: E năm chă kiơ tơ âu? E achăng lê̆ lu triu bơ̆n lăm tơmăn glă ăn kơ bu lăng? Inh băt jơhngơ̆m e pơang pơma kơchu lăm jơhngơ̆m. Truh tơ âu e wă lăng tơblah ah.