Tơdrông Pơđơk 27:20 - Sơ̆p Hlabơar Nơ̆r 'Bok Kei-Dei

²⁰ Măt kon bơngai lăng ưh kơ đei layơ bơ̆l hăl. Dêh atâu păng lôch răm ưh kơ đei layơ hrăp.

Tơdrông Pơđơk 27:20 ပူးပေါင်းရင်းမြစ်များ

Jop 26:6

Pơlei bơngai lôch tơlĕch pơdah bơih 'bơ̆t anăp Kră Yang 'Bok Kei-Dei, Păng sơlŭng jrŭ ưh kơ đei che pĕng hlơp,

Tơdrông Pơđơk 15:11

Hơlŭng jrŭ dêh atâu lăm âu Kră Yang 'bôh đĭ; Pơma kiơ lăm jơhngơ̆m kon bơngai!

Tơdrông Pơđơk 23:5

Măt ih nŏng kơ lăng 'bloh tơ mơdrŏng hă? Ưh pă đei boih! Yua kơ sư đĭ chăt pơnăr păr tŏk tơ plĕnh thoi sem kring.

Tơdrông Pơđơk 27:19

Lăng muh măt lăm đak 'bôh thoi yơ. Jơhngơ̆m bơngai kư̆m tơ'bôh thoi noh mơ̆n.

Bôk Bơthô 1:8

Đĭ-đăng tôm tơmam oei oei hơnơ̆ng, 'bơ̆r kon bơngai ưh kơ gơh roi ôh; măt lăng ưh kơ bơ̆l, đon mơ̆ng ưh kơ hăl.

Bôk Bơthô 4:8

Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Bôk Bơthô 6:7

Kon bơngai nŏng kơ adrin jang gleh hrat noh yua kơ wă 'me hơlŏng klak ao hrŭk, mă-lei jơhngơ̆m 'maih wă ưh kơ đei layơ hrăp.

Êsai 5:14

Noh bơih na jing dêh hơtâu pơih 'măng sư rai să ha 'bơ̆r wă 'maih luăn sư ưh kơ pơdơh ôh, lu bơngai đe ư-ang păng kon pơlei pơla sư đĭ-đăng lu bơngai chơt hiôk oei lăm pơlei, tă kơ huŏng tơ lăm noh ngăl.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Habakuk 2:5

Lu bơngai mă hơmui tơdrô, pơm tơdrong hơlĕnh păng ưh kơsŭk oei minh anih, pơih jơhngơ̆m ham sư thoi anih bơsat, thoi tơdrong lôch mă ưh kơ đei phĭ hrăp; sư pơpôi lu dêh char păng pơgơ̆p khŭl kon pơlei sư wă plah tơgar iŏk.”

Hagai 1:9

‘Lu iĕm pơtăm lơ mă-lei đei iŏk tŏ sĕt lu iĕm chĕp ba tơ hnam, na Inh dơhlu tŏk tơ kơpal.’ Kră Yang Tih Hloh khan: ‘Noh yua kơ kiơ? Noh yua kơ đơ̆ng hnam Inh jing juơ rơhiăng na lu iĕm băt kơ pơm hnam iĕm kơdih.

I Yo 2:16

Dôm tơdrong chih roi tơ ala âu lĕch đơ̆ng ala teh: Tơdrong kư̆ kă jơhngơ̆m kon bơngai 'maih pơm, tơdrong kư̆ kă mơ̆n măt kon bơngai 'maih lăng, lơ tơdrong tơpă, mơ'nah đei tơmam yua wă pơang akâu sư kơdih. Dôm tơdrong noh ưh kơ lĕch đơ̆ng 'Bă bơ̆n 'Bok Kei-Dei ôh, lĕch đơ̆ng lu bơngai ala teh âu đĕch.