Tơdrông Pơđơk 27:18 - Sơ̆p Hlabơar Nơ̆r 'Bok Kei-Dei

¹⁸ Bơngai bu bơwei tơm hơra, gô sa plei sư; Bu chu bơwei yŏng sư, đe gô pơyom.

Tơdrông Pơđơk 27:18 ပူးပေါင်းရင်းမြစ်များ

II Pot 18:31

'Nĕ kơ mơ̆ng Hesekia, pơtao đe Asiri khan: “Athei hiôk hăm nhôn păng kŭp kơ̆l yơ̆r ti kơ nhôn bĕ; na rim 'nu lăm lu iĕm gô đei sa plei 'long lăm pơgar hơmu iĕm kơdih păng plei hơra iĕm, păng nhă đak sơlŭng iĕm kơdih,

II Pot 3:11

Mă-lei, Jêhôsaphat khan: “Tơ âu ưh kơ đei bơngai khan lê̆ adrol mă Kră Yang wă kơ bơ̆n gơnang kơ sư 'noh jet apinh Kră Yang tơgŭm bơ̆n hă?” Minh 'nu bơngai jang kơ pơtao đe Isơrael tơl thoi âu: “Tơ âu đei Êlisê, kon drŏ-nglo Saphat, bơngai mă đêl tuh đak ăn kơ Êli ôp ti.”

II Pot 5:25

Na sư hăt hot năm hloi tơ Êlisê yŏng tơ'ngla sư, Êlisê jet sư khan; “ơ Gêhasi ih brŏk đơ̆ng yơ noh hei?” Sư tơl: “Inh ưh kơ đei năm tơ yơ ôh”

II Pot 5:27

Yua kơ thoi noh bơih, jĭ chin Naaman gô hơpoh tơ ih păng adrĕch adrung ih ling-lang ưh kơ layơ tôch.” Gêhasi weh hloi đơ̆ng Êlisê, 'bơm hloi chin tơbôk thoi prĕl.

Esther 6:11

Na Haman năm iŏk hloi ao pơhrŭk ăn kơ Morđêkai, đơ̆ng noh hao aseh ba sư năm jơ̆p rok trong tih lăm pơlei. Sư ôr 'bơ̆r re khan 'bơ̆t anăp sư: 'Nâu boih mă tơdrong pơm kơ bơngai mă pơtao pôk pơyom!

Horiso 123:2

Thoi măt lu đĭch đam drŏ-nglo chang gô đơ̆ng ti yŏng tơ'ngla drŏ-nglo lu sư. Thoi măt lu đam drŏ-kăn lăng tơ ti yŏng tơ'ngla drŏ-kăn lu sư. Na măt lu bơ̆n kư̆m chang gô Kră Yang, 'Bok Kei-Dei thoi noh; Dĭng Sư mă mơnat kơ lu bơ̆n.

Le 24:13

Môis iung hơdai hăm Jôsuê, bơngai jang kơ sư, na Môis năm tŏk hloi tơ kơpal kông Kră Yang 'Bok Kei-Dei.

Tơdrông Pơđơk 17:2

Minh 'nu đĭch gơh hơgei gô pơm yŏng kơ kon drŏ-nglo bơngai mă pơm kơ đe mơlâu. Bơngai 'nâu gơh iŏk mŭk tơmam thoi 'nhŏng oh sư.

Tơdrông Pơđơk 22:29

Ih hăm 'bôh ưh lu bơngai hơgei đei jang tơnăp? Sư gô dơ̆ng 'bơ̆t anăp lu pơtao sư ưh kơ dơ̆ng hơdai 'bơ̆t anăp lu bơngai hmă.

Tơdrông Pơđơk 27:17

Bơsei pat bơsei suĕng, Kŭm thoi bơngai pat pơhrăm buăl sư.

Tơdrông Pơđơk 27:19

Lăng muh măt lăm đak 'bôh thoi yơ. Jơhngơ̆m bơngai kư̆m tơ'bôh thoi noh mơ̆n.

Hơri Hiôk 8:12

Pơgar hơmu inh 'măn lê̆ kơ inh bơih. Ơ Sôlômôn, minh-rơbâu hlak jên hu noh gô lê̆ kơ ih. Bĕ oei 'bar-hrĕng hlak noh apah lu bơngai jang pơgar noh.

Êsai 36:16

'Nĕ pă mơ̆ng pơtao Hesekia, 'nâu nơ̆r pơtao Asiri pơma khan: Pơm hiôk hăm inh păng yơ̆r ti kơ inh bĕ, na lu iĕm mă bu bu kư̆m gô đei sa plei hơra, plei hơmu iĕm kơdih păng nhă đak sơlŭng iĕm kơdih,

Mathiơ 24:25

Iĕm athei kơchăng kơdih, yua kơ Inh roi kơ iĕm tôm tơdrong hơdrol boih.

Mathiơ 24:46

Lăp yŏng lu sư wih 'bôh bơngai kai mă đêl sư pơjao athei wei-lăng lu đĭch đam sư noh jang kiơ̆ kơ nơ̆r pơkă na sư bơnê, thoi noh na bơngai kai jơhngơ̆m sư hiôk tơpă.

Markôs 10:43

Mă-lei iĕm 'nĕ kơ rok lu 'bok pơgơ̆r noh hŏ. Bơngai bu 'maih pơm 'bok tih lăm lu iĕm, bơngai 'noh athei pơm thoi lĕ đĭch đam iĕm.

Luka 12:37

Dôm lu đĭch đam mă oei kral gô yŏng sư, ưh kơ tep, na yŏng sư 'mêm tơpă. Inh khan kơ iĕm tơpă, yŏng sư kơdih kư̆m gô awih ăn kơ lu đĭch đam sư tơmam sa dơ̆ng mơ̆n.

Luka 12:42

Na Kră Yang Yêsu khan: “Bơngai đĭch, sư athei jang tơnăp kiơ̆ thoi yŏng sư pơkă, na yŏng sư lăp đon. Na yŏng sư pơjao ăn kơ sư pơm kai wei-lăng lu buăl sư dơ̆ng, na mưh trŏ kơ jơ sŏng sa na sư chă asong kơ lu buăl sư tơmam sa.

Luka 19:17

Na yŏng sư khan: ‘Ơ dăm, ih jang kơ inh 'lơ̆ng tơpă. Ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih 'biơ̆, pơjao ăn kơ ih wei-lăng lăm mơjĭt tŏ pơlei.’

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Jang 10:7

Đơ̆ng rŏng kơ linh jang 'lơ̆ng brŏk, 'bok Kôrnei krao 'bar 'nu bơngai jang kơ sư păng minh 'nu linh juăt awih awăn păng sư. Linh ei kư̆m lui kơ 'Bok Kei-Dei mơ̆n.

I Kor 3:8

Bre bơngai pơtăm păng pruih đak bre sư lei-lăi đĕch. 'Bok Kei-Dei apah bre sư kiơ̆ kơ tơdrong jang.

I Kor 9:13

Iĕm kư̆m băt mơ̆n dôm lu bơngai jang tơ lăm hnam akŭm 'Bok Kei-Dei tơm, lu sư sa tơmam đơ̆ng lăm hnam akŭm 'noh. Lu sư sa dôm lu tơmam đe pơyơ̆r kơ 'Bok Kei-Dei păng dôm lu tơmam đe ăn wă sơmah kơ 'Bok Kei-Dei.

I Kor 9:7

Lu bơngai pơm linh ưh kơ biơh layơ 'me sa kơdih ôh. Yŏng sư apah jên rim khei. Bơngai jang mir, bơngai 'noh gô sa tơmam đơ̆ng mir sư mơ̆n. Lu bơngai rong kon triu, lu sư sa đak toh kon triu.

Kôlôsê 3:22

Ơ lu bơngai đĭch đe, iĕm athei chu yom kơ lu yŏng tơ'ngla iĕm lăm tôm tơdrong. Iĕm athei jang mă tơpă, ngê̆ kiơ kơ yŏng iĕm gŏk gô na jang, iĕm kư̆ kơ jang đĕch, yua kơ iĕm lui boih kơ Yŏng bơ̆n Yêsu Krist.

II Tim 2:6

Âu nơ̆r pơtih gia mơ̆n: Bơngai choh mir sư jang hrat tơpă, sư wei-lăng mir sư truh tơ 'ba đum, klaih kơ noh tơ'ngla sư kĕch iŏk kơdih.

I Pet 2:18

Ơ lu bơngai đĭch đe, iĕm kư̆m athei chu yom kơ yŏng tơ'ngla iĕm mơ̆n hŏ; mă iĕm lăng sư bơngai dim bơngai gơh găt, iĕm 'nĕ kơ pơ'brơh kơ sư; mă sư bơngai khĕnh hơwĕng kư̆m lei-lăi 'nĕ kơ pơkăl kơ sư.

I Pet 2:21

'Bok Kei-Dei krao iŏk bơ̆n wă kơ bơ̆n iŏk jơhngơ̆m đon dim gơh găt kuă ăn pơm kơnê̆ kơ đe mă khan đe pơm kơnê̆ kơ bơ̆n. Yêsu Krist đei tơdrong gleh pơmat-tat thoi noh mơ̆n sơ̆ yua wă tơgŭm bơ̆n. Mă-lei Sư ưh kơ đei pơm kơnê̆ kơ đe ôh, Sư pơm trong wă kơ bơ̆n rok kiơ̆ Sư.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.