Tơdrông Pơđơk 26:20 - Sơ̆p Hlabơar Nơ̆r 'Bok Kei-Dei

²⁰ Ưh kơ đei 'long ŭnh, ŭnh păt; Dah ưh kơ đei roi sơlam lei tơdrong tơhil pơjah gô pơdơh.

Tơdrông Pơđơk 26:20 ပူးပေါင်းရင်းမြစ်များ

Tơdrông Pơđơk 16:28

Bơngai hơlĕnh ba tơdrong pơjah. Wă pơma plah tơklah tơduă bôl buăl.

Tơdrông Pơđơk 22:10

Pơpuh bĕ bơngai juăt pơgreh na tơdrong pơjah weh kiơ̆ sư; Tơdrong pơjah pơjăng păng mơlâu akâu 'nâu gô đĭ.

Tơdrông Pơđơk 26:22

Nơ̆r lu bơngai sơlam hơlĕnh 'ngam thoi tơmam sa 'lơ̆ng. Mơ̆t jrŭ truh tơ klơm tơ klak.

Lêwi 19:16

'Nĕ kơ roi sa pơma 'bơm, 'nĕ chă tơdrong wă pơm kơnê̆ kơ rông 'bôt ih, Inh bơih Kră Yang.

Ya 3:5

Na 'bơ̆r kon bơngai bơ̆n pơma kư̆m lei-lăi. 'Bơ̆r bơ̆n iĕ đĕch, mă pơma kơ bôl buăl Jop, gơh pơjing tơdrong tih. Thoi lĕ kơ ŭnh, ŭnh sư iĕ đĕch, sư gơh sa jơ̆p kơ groi kông bri brah.

Ya 3:6

'Bơ̆r kon bơngai bơ̆n kư̆m thoi ŭnh, pơma kơ đe mrĕp, gơh pơma tôm tơdrong kơnê̆; pơm kơ akâu bơ̆n kơdih kư̆m jing răm kơnê̆ 'mê̆-'mach; pơrăm akâu akar, pơrăm tơdrong arih jing hiong hiach. Ŭnh 'noh apoh iŏk đơ̆ng ŭnh khŭl sơmăt.