Tơdrông Pơđơk 24:7 - Sơ̆p Hlabơar Nơ̆r 'Bok Kei-Dei

⁷ Tơdrong hơgei oei kơjung dêh kơ lu bơngai kơtul, Sư kơđei ha 'bơ̆r pơma ôh 'bơ̆t 'măng jang.

Tơdrông Pơđơk 24:7 ပူးပေါင်းရင်းမြစ်များ

Jop 31:21

Tơdah inh đei yơ̆r ti hơ-ô wă pơm kơ lu bơngai mơti, yua kơ inh băt bơngai dŏng inh tơ 'măng jang,

Jop 5:4

Lu kon hơ'lơ̆p sư ưh kơ đei hơđơ̆ng ôh, đe gô juă bơhlơ̆r 'bơ̆t 'măng jang, na ưh kơ đei bu dŏng lu sư.

Horiso 10:5

Trong sư đei jinga ling-lang; Tơdrong Ih sek tơlang Kră Yang tih tơpă hloh kơ, măt lu sư 'bôh; Sư hiĕk pơjăm đĭ-đăng lu ayăt kơ sư.

Horiso 127:5

Pŭn dêh kơ bơngai bu mă đei 'brơ̆m 'bĕnh kơ jŏ, sư huay kơ mơlâu. Dah sư pơma pơjah păng lu ayăt tơ 'măng dur pơlei.

Tơdrông Pơđơk 14:6

Lu bơngai blei hiap chă tơdrong gơh hơgei ưh kơ đei. Mă-lei lu bơngai hơgei chă 'bônh đĕch tơdrong hlôh wao.

Tơdrông Pơđơk 15:24

Trong tơdrong arih lu bơngai hơgei đei rai tŏk; Wă kơ sư gơh klaih đơ̆ng dêh atâu ala sŭng.

Tơdrông Pơđơk 17:16

Hăm yua kiơ bơngai kơwao chĕp jên hu, Sư ưh kơ 'maih răt tơdrong hơgei.

Tơdrông Pơđơk 17:24

Bơngai hlôh 'bôh tơdrong hơgei 'bơ̆t anăp sư; Mă-lei đei măt lu kơwao lăng tơ tôch teh đak.

Tơdrông Pơđơk 17:7

Nơ̆r pơma 'lơ̆ng ưh kơ lăp ôh hăm lu bơngai kơwao, Hloh kơ noh nơ̆r pơma hơlĕnh rai ưh kơ lăp kơ bơngai pơgơ̆r.

Tơdrông Pơđơk 22:22

'Nĕ pơgŏ iŏk tơmam lu bơngai dơnuh hoh; Noh yua kơ sư dơnuh hin răm boih. Kŭm 'nĕ pơjuă pơđep lu bơngai pơmat-tat 'bơ̆t 'măng jang pơlei.

Tơdrông Pơđơk 28:5

Bơngai pơm kơnê̆ đê̆ pă băt tơdrong tơpăt; Mă-lei đei bơngai bu băt chă Kră Yang na băt hlôh đĭ-đăng.

Tơdrông Pơđơk 31:23

Đe 'bôh kơnăl kơ klo sư 'bơ̆t 'măng jang, Sư ngôi hơdai hăm lu kră pơlei oei lăm dêh sư.

Êsai 29:21

Lu bơngai chă yua 'bơ̆r pơma sơlam hơlĕnh pơm kơ đe yoch, chă pơma sơlam hơlĕnh kơ lu kră sek tơlang. Chă roi pơma sơlam hơlĕnh kơ lu bơngai 'lơ̆ng tơpăt mă ưh kơ đei yoch gô lôch đĭ.

Êsai 32:6

Na lu bơngai kơwao sư pơma lu nơ̆r kơtul kơwao; jơhngơ̆m đon sư pơm tơdrong yoch, 'maih pơm lu tơdrong kơnê̆, pơma tơdrong glăi gah Kră Yang, pơm kơ bơngai pơngot klak hoh, ưh kơ ăn đak nhă kơ lu bơngai rơhing.

Am 5:10

Lu sư areh kơ lu bơngai ngăl chrih kơ lu sư tơ 'măng jang pơlei păng ưh kơ iă kơ lu bơngai pơma tơpăt.

Am 5:12

Yua kơ inh băt boih kơ tơdrong yoch lu iĕm lơ pă băt dang yơ, tơdrong yoch iĕm tih dêh, lu iĕm pơmat lu bơngai tơpăt, iŏk sa pơgâm, tơ anih 'măng jang pơlei lu iĕm sơngah kơ tơdrong trŏ tơpăt lu bơngai dơnuh hin lăm năr sek tơlang.

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

I Kor 2:14

Lu bơngai kiơ̆ kơ sĕch akar wă khan lu ưh kơ lui, lu sư ưh kơ iŏk ôh dôm tơdrong đơ̆ng Yang Bơhngol 'Lơ̆ng 'Bok Kei-Dei, yua kơ lu sư ưh kơ đei Yang Bơhngol 'Lơ̆ng bơtho. Na lu sư ưh kơ hlôh, lu sư lăng dôm tơdrong 'noh nhen lĕ tơdrong kơtul đĕch.