Tơdrông Pơđơk 24:21 - Sơ̆p Hlabơar Nơ̆r 'Bok Kei-Dei

²¹ Ơ dăm hli yom bĕ kơ Kră Yang păng chu yom kơ pơtao; 'Nĕ pơgơ̆p hơdai hăm lu bơngai pơm kơnê̆.

Tơdrông Pơđơk 24:21 ပူးပေါင်းရင်းမြစ်များ

II Sam 18:8

Tơdrong tơblah lanh jơ̆p kơ tơring, lăm năr noh đei bơngai lôch hiong lăm bri lơ hloh kơ bơngai lôch kơ đao gưm.

I Pot 1:49

Kơplah noh đĭ-đăng lu bơngai mă năm et sa hơdai hăm Adonija hli tơrơ, rim 'nu lu sư lĕch brŏk kơdih kơdih.

I Pot 12:16

Lăp lu bơngai Isơrael 'bôh pơtao ưh pă mơ̆ng lu sư bơih, lu kon pơlei pơla khan kơ pơtao “Lu nhôn hăm đei kiơ lăm Đawit? Nhôn hăm đei yua tơmam kiơ lăm kon drŏ-nglo Jese. Ơ lu bơngai Isơrael! Iĕm athei brŏk tơ bơsŭn iĕm kơdih. Ơ Đawit! Ih athei lăng bĕ kơ hnam ih kơdih.” Na lu bơngai Isơrael wih brŏk tơ bơsŭn lu sư kơdih.

Le 14:31

Kon pơlei Isơrael 'bôh bơih tơdrong tih mă Kră Yang đei pơm kơ bơngai Êyiptơ, na lu kon pơlei Isơrael hli yom gơnang kơ Kră Yang păng lui kơ Môis, đĭch đam Sư.

Tơdrông Pơđơk 17:11

Bơngai kơnê̆ chă tơdrong tơblah. Mă-lei đei đe wơh bơngai yŏng kơnê̆ hloh năm blah sư.

Tơdrông Pơđơk 23:17

'Nĕ ăn jơhngơ̆m ih arih 'ngeng kơ lu bơngai yoch. Mă-lei athei arih băt hli yom kơ Kră Yang rim năr.

Mathiơ 22:21

Lu sư khan: “'Noh rup Sêsar păng anăn Sêsar mơ̆n.” Thoi noh na Yêsu khan: “Jên âu rup Sêsar tơpă na bơ̆n athei thuê̆ kơ sư yua kơ sư pơgơ̆r. Tơmam 'Bok Kei-Dei bơ̆n athei pơyơ̆r kơ 'Bok Kei-Dei yua kơ Sư tơgŭm ăn kơ bơ̆n.”

Tit 3:1

Ih tơ'blŏk ăn kơ lu buăl lui athei sư lui yom kơ dôm lu kră pơgơ̆r; păng dôm tơdrong 'lơ̆ng sư wơh wă kơ bơ̆n pơm, bơ̆n athei pơm mă tơpă.

I Sam 24:6

Sư khan kơ lu bơngai kiơ̆ sư: Hơpơi kơ Kră Yang phak inh tơdah inh pơm yoch hăm yŏng tơ'ngla inh, bơngai mă chu tuh đak rơmă đơ̆ng Kră Yang, yua kơ sư jơ̆ bơngai chu tuh đak rơmă đơ̆ng Kră Yang.