Tơdrông Pơđơk 23:9 - Sơ̆p Hlabơar Nơ̆r 'Bok Kei-Dei

⁹ 'Nĕ pơma lăm hla đon bơngai kơtul, Yua kơ sư gô pơjăm nơ̆r ih pơma hơgei.

Tơdrông Pơđơk 23:9 ပူးပေါင်းရင်းမြစ်များ

Tơdrông Pơđơk 1:7

Hli yom kơ Kră Yang jing tơm tơdrong hlôh wao. Lu bơngai kơtul areh kơ tơdrong gơh hơgei păng nơ̆r bơtho pơhrăm.

Tơdrông Pơđơk 14:7

Weh bĕ đơ̆ng bơngai bơlŭk Ih wă ưh kơ đei hŏk iŏk đon hơgei.

Êsai 36:21

Lu sư oei hreh đĕch, ưh kơ đei tơl tơwih minh nơ̆r, yua kơ pơtao Hesekia đei pơkă khan: Lu iĕm 'nĕ tơl tơwih.”

Mathiơ 7:6

“Iĕm 'nĕ pă bơtho tơdrong 'Bok Kei-Dei kơ lu bơngai mă ưh kơ lui mă wă pơjăm pơjuă iĕm ling-lang. 'Noh dang bơ̆n tŭk 'nhĕm giĕng ăn kơ kŏ sa, dang dơmŏng đe gĭt mă ăn kơ nhŭng, hli kơ lu sư pơm kơnê̆ kơ iĕm dơ̆ng.

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Yo 10:20

Đei lơ bơngai mơ'nah khan: “Iĕm 'maih mơ̆ng kiơ kơ Sư, noh Sư bơngai yang mơ̆t pơm kơ Sư wơnh?”

Yo 8:52

Lu bơngai Juđê khan kơ Sư: “Dang ei nhôn băt kơ Ih bơngai yang mơ̆t tơpă boih. Abraham lôch boih, lu bơngai pơtruh nơ̆r 'Bok Kei-Dei sơ̆ kư̆m hơdai lôch đĭ, mă Ih khan bơngai bu răk nơ̆r Ih bơtho, bơngai 'noh huay kơ lôch.

Yo 9:40

Na lu bơngai Pharisi mơ'nah oei dơ̆ng jê̆ 'bơ̆t Yêsu, lu sư kơtơ̆ng thoi noh na khan: “Lu nhôn măt tol mơ̆n hă?”

Jang 17:18

Đei lu 'bok thây bơtho tơdrong Êpikur păng lu 'bok thây bơtho tơdrong Sơtôk kư̆m pơjah păng Pôl mơ̆n. Đei bơngai mơ'nah khan kơ Pôl: “Bơngai 'bơ̆r đon kư̆ kă đĕch âu. Sư wă pơma tơdrong kiơ ră âu? Bơ̆n ưh kơ hlôh ôh iih?” Đei mơ'nah khan dơ̆ng: “Rŏ lăng sư bơtho tơdrong lu yang đe nai đĕch âu.” Lu sư pơma khan kơ Pôl thoi noh yua kơ Pôl bơtho sư gah tơdrong Yêsu lôch iung arih dơ̆ng.

Jang 17:32

Lăp lu bơngai Aten kơtơ̆ng Pôl bơtho thoi noh gah bơngai lôch iung arih noh, lu mơ'nah hiĕk kơ sư. Mă-lei đei lu mơ'nah khan kơ sư thoi âu: “Gô layơ dơ̆ng nhôn mơ̆ng ih bơtho tơdrong âu.”