Tơdrông Pơđơk 23:17 - Sơ̆p Hlabơar Nơ̆r 'Bok Kei-Dei

¹⁷ 'Nĕ ăn jơhngơ̆m ih arih 'ngeng kơ lu bơngai yoch. Mă-lei athei arih băt hli yom kơ Kră Yang rim năr.

Tơdrông Pơđơk 23:17 ပူးပေါင်းရင်းမြစ်များ

Horiso 111:10

Tơdrong hli yom kơ Kră Yang jing tơm tơdrong hơgei, Bơngai bu mă wei răk nơ̆r Sư bơtho pơkă gô đei đon hlôh wao. Tơdrong hơri bơnê ư-ang kơ Sư oei oei ling-lang.

Tơdrông Pơđơk 15:16

Kơtrơ̆m đei mŭk tơmam tŏ sĕt, Mă-lei đei jơhngơ̆m băt hli yom kơ Kră Yang. Hloh kơ đei mŭk tơmam lơ mă-lei đei jơhngơ̆m rŭng răng.

Tơdrông Pơđơk 24:1

'Nĕ 'ngeng kơ lu bơngai pơm kơnê̆, Ih kư̆m 'nĕ kơ wă 'maih oei hơdai hăm sư.

Tơdrông Pơđơk 24:19

'Nĕ kơ ơh lăng lu bơngai kơnê̆; Lê̆ kơ klai areh lu bơngai pơm kơnê̆ 'mê̆ 'brư̆;

Tơdrông Pơđơk 24:21

Ơ dăm hli yom bĕ kơ Kră Yang păng chu yom kơ pơtao; 'Nĕ pơgơ̆p hơdai hăm lu bơngai pơm kơnê̆.

Tơdrông Pơđơk 28:14

Bơngai bu băt hli yom kơ Kră Yang gô đei pŭn hiôk; Bơngai bu ưh kơ chu arăng kơ̆l gô răm.

Tơdrông Pơđơk 3:31

'Nĕ kơ gar hăm bơngai pơm kơnê̆, Păng 'nĕ kơ kiơ̆ trong sư ôh.

Bôk Bơthô 5:6

'Nĕ ăn kơ 'bơ̆r ih pơm kơ akâu ih yoch na athei năm khan kơ 'bok soi, inh pơkă 'bơm glăi boih. Liơ ih pơm kơ Kră Yang 'Bok Kei-Dei yua kơ đơ̆ng nơ̆r ih pơkă, na mah Kră Yang pơrăm lê̆ đĭ tơdrong đêl ti ih pơm!

Bôk Bơthô 5:7

Tơ yơ đei tơdrong apo lơ păng pơma lơ hnang, 'noh kư̆m tơdrong kơ đei; mă-lei ih athei hli yom kơ Kră Yang 'Bok Kei-Dei.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.