Tơdrông Pơđơk 22:7 - Sơ̆p Hlabơar Nơ̆r 'Bok Kei-Dei

⁷ Bơngai mơdrŏng jing yŏng lu bơngai dơnuh, Bơngai bu tŏk iŏk jing đĭch kơ bơngai ăn iŏk.

Tơdrông Pơđơk 22:7 ပူးပေါင်းရင်းမြစ်များ

II Pot 4:1

Đei minh 'nu drŏ-kăn, sư 'noh akăn minh 'nu bơngai lăm lu bơngai khan lê̆ adrol năm nhơ̆m hơdrĭ 'bơ̆t anăp Êlisê: “Klo inh mă đĭch đam ih, sư lôch bơih; ih băt sư bơngai hli yom kơ Kră Yang. Đei minh 'nu bơngai, nhôn hre kơ sư, na sư năm tơ hnam nhôn, wă rôp 'bar 'nu hơ'lơ̆p inh pơm đĭch sư.”

Tơdrông Pơđơk 14:31

Bơngai bu pơjăm pơjuă bơngai dơnuh hoh noh pơjăm kơ Tơ'ngla pơjing sư; Bu mă 'mêm mơnat kơ bơngai dơnuh hoh noh ư-ang kơ Kră Yang.

Tơdrông Pơđơk 18:23

Bơngai dơnuh apinh tơdrong mơnat; Lu bơngai mơdrŏng hơrăk tơnat tơl tơwih.

Tơdrông Pơđơk 22:16

Bu pơđep bơngai dơnuh wă pơm kơ sư mơdrŏng, Bơngai bu ăn pơgâm kơ lu bơngai mơdrŏng noh rai pơm kơ bre sư dơnuh hloh.

Tơdrông Pơđơk 22:22

'Nĕ pơgŏ iŏk tơmam lu bơngai dơnuh hoh; Noh yua kơ sư dơnuh hin răm boih. Kŭm 'nĕ pơjuă pơđep lu bơngai pơmat-tat 'bơ̆t 'măng jang pơlei.

Êsai 24:2

'Bok soi kư̆m thoi kon pơlei, yŏng tơ'ngla jing thoi đam sư, yă yŏng tơ'ngla kư̆m thoi đam drŏ-kăn sư, bơngai tĕch kư̆m thoi bơngai răt, bơngai ăn mưng kư̆m thoi bơngai iŏk mưng, bơngai đe hre kư̆m thoi bơngai oei hre.

Am 2:6

Kră Yang khan: Yua kơ đơ̆ng kon pơlei Isơrael rai pơm yoch hloh kơ adrol, na inh ưh kơ lê̆ ôh wă phak lu sư, yua kơ lu sư tĕch boih lu bơngai tơpăt yua kơ jên păng tĕch lu bơngai dơnuh hin yua kơ hơgrop chơkhŏ chuă.

Am 4:1

Mơ̆ng bĕ ơ lu rơmo akăn dêh Basan, oei tơ kông Samari, iĕm pơjuă lu bơngai dơnuh, pơgŏ pơđep lu bơngai hoh kơ đei, khan kơ lu klo iĕm: Chĕp ba sik tơ âu, lu nhôn huch!

Am 8:4

Iĕm mă lu bơngai luăn sa pơjuă bơhlơ̆r lu bơngai dơnuh hin păng pơrăm lu bơngai pơmat-tat kơpal teh, mơ̆ng bĕ nơ̆r 'nâu.

Am 8:6

Wă kơ lu bơ̆n iŏk jên noh na răt iŏk lu bơngai mă pơmat-tat, iŏk minh hơgrop chơkhŏ tơplih bơngai dơnuh hin păng tĕch pơđĭ truh tơ lu 'ba mi bo.

Mathiơ 18:25

Mă-lei sư ưh kơ đei jên wă kla ôh. Na 'bok pơtao athei sư tĕch đĭ akâu sư, kon akăn sư păng mŭk tơmam sư, wă kla tơdrong sư hre noh jah tôch.

Ya 2:6

Mă-lei iĕm pơjăm pơjuă lu bơngai dơnuh hin, ưh kơ băt mơnat kơ lu sư. Bu pơjăm pơjuă wă kơtĭt sa iĕm păng dui anhăk iĕm tơ lu kră sek tơlang? Lu bơngai mơdrŏng boih pơm kơ iĕm kơnê̆ thoi noh.

Ya 5:1

Ơ lu bơngai mơdrŏng, mơ̆ng bĕ. Trŏ kơ iĕm nhơ̆m hmoi bĕ, mă iĕm nhơ̆m hmoi lê̆ hơdrol lăp boih, yua kơ dôm tơdrong gleh pơmat wă truh kơ iĕm.

Ya 5:4

Lu bơngai jang kơ mir iĕm, kĕch 'ba iĕm, iĕm drơ̆ng kơ apah sư, mă iĕm ưh kơ apah, iĕm hơlĕnh pơ'brơh kơ sư, na 'bơ̆r lu sư nhơ̆m hmoi kơtơ̆ng truh tơ Kră Yang 'Bok Kei-Dei ti.