Tơdrông Pơđơk 22:6 - Sơ̆p Hlabơar Nơ̆r 'Bok Kei-Dei

⁶ Bơtho tơ'bôh bĕ kơ lu bơngai oei hơ'lơ̆p trong sư wă yak kiơ̆. Wă truh tơ kră lu sư huay kơ weh dơ̆ng trong noh.

Tơdrông Pơđơk 22:6 ပူးပေါင်းရင်းမြစ်များ

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Êphêsô 6:4

Ơ lu bơngai đei kon hơ'lơ̆p, iĕm 'nĕ hil kơ kon iĕm dêh, hli kơ lu sư hil plơ̆ kơ iĕm dơ̆ng, iĕm athei bơtho akhan kơ lu sư kiơ̆ tơdrong Kră Yang pơkă.

Both 11:19

Athei bơtho dơ̆ng kơ lu kon sâu iĕm, tơ'blŏk mă lu sư oei ngôi lăm hnam dah yak rok trong, kơplah oei tep dah iung đơ̆ng tep.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Both 6:7

Athei adrin bơtho ăn dôm tơdrong noh kơ lu kon iĕm păng bơtho tơdrong âu kơplah sư oei lăm hnam, dah oei năm rok trong, dah wă tep, dah iung đơ̆ng tep.

II Tim 3:15

Đơ̆ng ih oei iĕ sơ̆ ih pơhrăm sơ̆p hla bơar tơdrong 'Bok Kei-Dei. Sơ̆p hla bơar Sư boih ăn kơ bơ̆n băt tơdrong Sư pơklaih bơ̆n đơ̆ng tơdrong yoch yua kơ bơ̆n lui kơ Kră Yang Yêsu Krist.

Lu 13:12

Manôa khan dơ̆ng: “Mưh nơ̆r Ih pơma trŏ 'blep thoi noh, lei tơdrong juăt kơ bơngai hơ'lơ̆p âu chă arih sa, jang sa liơ?”

I Sam 1:28

Na inh pơyơ̆r sư kơ Kră Yang yua; lăm đĭ chăl sư arih dang yơ; sưd noh jing tơmam Kră Yang boih.” Klaih kơ noh lu sư drap kơkuh bơnê kơ Kră Yang tơ noh.

I Sam 2:26

Samuel rai wơ̆ 'lŏ lăm akâu; pơm ăn kơ Kră Yang hăm kon bơngai bơ̆n lăp đon.