Tơdrông Pơđơk 21:13 - Sơ̆p Hlabơar Nơ̆r 'Bok Kei-Dei

¹³ Bơngai bu chĭt đon kuă kơ mơ̆ng nơ̆r lu bơngai dơnuh hin krao ôr, Bơngai noh đe kư̆m kuă kơ mơ̆ng drơ̆ng nơ̆r sư krao ôr mơ̆n.

Tơdrông Pơđơk 21:13 ပူးပေါင်းရင်းမြစ်များ

Ne 5:13

Inh kư̆m tơtuh tơdrơi ao inh na khan: Tơdah bơngai bu ưh kơ wei răk pơm kiơ̆ nơ̆r pơkă âu, na apinh Kră Yang 'Bok Kei-Dei gô tơtuh lê̆ hnam, mŭk drăm bơngai ưh kơ pơm kiơ̆ nơ̆r pơkă 'nâu păng tơtuh kơ bơngai noh jing hoh-hoy! Tơpôl lơ kư̆m wang drơ̆ng: “A-men!” Lu sư ư-ang kơ Kră Yang, lu bơngai ei pơm kiơ̆ thoi nơ̆r đei pơkă.

Jop 29:12

'Noh yua kơ inh dŏng pơklaih bơngai dơnuh pơmat-tat krao ôr, Păng bơngai mơti ưh kơ đei bơngai bu tơgŭm.

Horiso 18:41

Lu sư ôr krao, mă-lei ưh kơ đei bu dŏng; Lu sư krao chă Kră Yang, mă-lei Sư ưh kơ tơl tơwih.

Horiso 58:4

Hơkăm lu sư thoi hơkăm 'bih: Lu sư thoi 'bih dong klĭk chĭt lê̆ đon sư.

Tơdrông Pơđơk 1:28

Kơplah noh kơnh lu sư gô krao apinh Inh, Mă-lei Inh ưh kơ tơl tơwih; Lu sư adrin chă Inh, Mă-lei ưh kơ đei tơ'bơ̆p.

Tơdrông Pơđơk 28:27

Bơngai bu asong ăn kơ bơngai dơnuh hin ưh kơ kơ'bah ôh. Mă-lei bơngai bu ưh kơ băt mơnat gô đei đe blei hiap.

Mathiơ 6:14

“Dah iĕm huay kơ jô̆ yo kơ đe pơm yoch kơ iĕm, lei 'Bă bơ̆n tơ plĕnh ti kư̆m huay kơ jô̆ yo kơ iĕm mơ̆n.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Luka 13:25

Pơtih gia Inh mă 'Bok tơ'ngla hnam gô tang lê̆ 'măng, na lăp iĕm dơ̆ng dơdŭ 'măng 'bơ̆t 'ngoaih khan: ‘Ơ 'Bok, pơih ăn kơ nhôn 'măng,’ na Inh khan: ‘Inh ưh kơ băt iĕm đơ̆ng yơ.’

Jang 7:57

Na lu đe ei kơtơ̆ng Êtien pơma thoi noh, lu sư pơma 'bơ̆r re chĭt đon hloi,

I Yo 3:17

Bơngai bu mơdrŏng 'bôh 'nhŏng oh sư dơnuh hin sơmă ưh kơ mơnat ăn tơmam kiơ kơ 'nhŏng oh sư, dah ưh kơ tơdŏng dih băl tơdrong jang, noh thoi yơ khan sư 'mêm kơ 'Bok Kei-Dei lĕ?