Tơdrông Pơđơk 20:9 - Sơ̆p Hlabơar Nơ̆r 'Bok Kei-Dei

⁹ Bu pơ̆n khan: Inh wei-lăng jơhngơ̆m inh rơgoh, Inh rơgoh pă đei yoch boih?

Tơdrông Pơđơk 20:9 ပူးပေါင်းရင်းမြစ်များ

I Pot 8:46

“Mưh đơ̆ng lu sư pơm yoch 'bơ̆t anăp ih, ưh kơ đei bu ưh kơ pơm yoch, Ih blĕk ơh ăn kơ lu sư đei tơdrong gleh oei lăm ti lu bơngai ayăt, tơdah đe rôp ba lu sư tơ dêh char nai, mă đơ̆ng ataih dah jê̆,

II Ho 6:36

Mưh lu sư pơm yoch hăm Ih yua kơ ưh kơ đei bu mă huay kơ pơm yoch păng Ih hil mĭl jao lu sư tơ lu ayăt kơ lu sư, lu bơngai ayăt rôp lu sư pơm bơnă chông tơ dêh char nai ataih dah jê̆;

Jop 14:4

Bu gơh pơm đơ̆ng bơngai pơm kơnê̆ 'mê̆-'mach mă jing 'lơ̆ng rơgoh? Ưh kơ đei bu!

Jop 15:14

Kon bơngai kiơ, mă gơh 'lơ̆ng rơgoh? Kon bơngai đơ̆ng drŏ-kăn rơneh liơ gơh 'lơ̆ng tơpăt?

Jop 25:4

Liơ mă kon bơngai gơh jô̆ 'lơ̆ng tơpăt 'bơ̆t anăp Kră Yang 'Bok Kei-Dei? Bơngai đơ̆ng drŏ-kăn tơpŭ ngăl, liơ mă gơh 'lơ̆ng rơgoh?

Horiso 51:5

Tơpă, tơpŭ kơ inh lăm tơdrong kơnê̆, mĕ inh anăp kơ inh lăm tơdrong yoch.

Bôk Bơthô 7:20

Tơpă, lăm teh đak âu ưh kơ đei minh 'nu tơpăt, pơm 'lơ̆ng ling-lang ưh kơlah pơm yoch.

Rom 3:9

Bơ̆n 'nĕ pơang lu bơngai Juđê bơ̆n, khan bơ̆n bơngai ưh kơ yoch thoi lu bơngai nai. Yua kơ inh khan boih, đĭ-đăng kon bơngai yoch ngăl, na mă bơngai Juđê, mă bơngai khŭl nai.

I Kor 4:4

Inh lăng inh kơdih khan ưh kơ đei tơdrong kơnê̆ kiơ ră, mă tơpă inh ưh kơ băt tơpă ôh, pôm 'Bok Kei-Dei đĕch gơh băt sek tơdrong inh.

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.