Tơdrông Pơđơk 20:30 - Sơ̆p Hlabơar Nơ̆r 'Bok Kei-Dei

³⁰ Đơ̆ng teh rơka rơkĕch noh pơm rơgoh tơdrong kơnê̆, Tơnguĕt đe teh noh han mơ̆t truh anih hlơp lăm jơhngơ̆m.

Tơdrông Pơđơk 20:30 ပူးပေါင်းရင်းမြစ်များ

Horiso 89:32

Na Inh gô yua sơnguĕt teh bơtho tơdrong lu sư pơm glăi. Păng teh bơtho lu sư yua kơ tơdrong kơnê̆ lu sư.

Tơdrông Pơđơk 19:25

Teh bĕ bơngai pơm kơnê̆, lê̆ kơ bơngai kơwao hŏk iŏk băt hlôh. Bơtho hơmet bĕ bơngai băt hlôh, sư 'bôh thim tơdrong gơh hơgei.

Tơdrông Pơđơk 22:15

Tơdrong kơtul kơhlôh 'bôh oei chô̆ jơhngơ̆m lu hơ'lơ̆p. Mă-lei đei yua 'long teh bơtho tơdrong kơtul lĕch tơ ataih kơ sư.

Tơdrông Pơđơk 27:6

Buăl juăt pơjĭ bơ̆n rơka, noh 'lơ̆ng đơ̆ng jơhngơ̆m tơpăt. Bơngai ayăt hil chŭm hơlêm khan 'mêm noh hơlĕnh.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Êsai 53:5

Đe 'bet sư rơka yua kơ tơdrong yoch lu bơ̆n. Yua kơ tơdrong kơnê̆ lu bơ̆n na đe pơjĭ sư. Đơ̆ng sư chu đe phak na lu bơ̆n đei hiôk-hian. Sư chu pŭ rơka wă kơ bơ̆n gơh klaih hiôk.

Hêbrơ 12:10

Mĕ 'bă, sư bơtho pơjĭ bơ̆n gô mơ̆ng kơ sư wă, kơplah bơ̆n oei 'lơ̆p. Na 'Bok Kei-Dei bơtho pơjĭ bơ̆n Sư wă tơgŭm bơ̆n tơpă, wă kơ bơ̆n pơm 'lơ̆ng thoi Sư.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.