Tơdrông Pơđơk 20:3 - Sơ̆p Hlabơar Nơ̆r 'Bok Kei-Dei

³ Bơngai bu kĕ wei huay kơ tơhil băl, bơngai noh đe ư-ang; Lu bơngai kơhlôh đĕch ngăl pơjah tơhil băl.

Tơdrông Pơđơk 20:3 ပူးပေါင်းရင်းမြစ်များ

Bl 13:7

Na đei tơdrong tơgar băl lăm lu bơngai wei sem dơrong Abram păng lu bơngai wei sem dơrong Lot. Kơplah noh kon pơlei Kanaan păng kon pơlei Phêrêsit kư̆m oei lăm char ei, thoi noh anih wei sem dơrong ưh kơmah.

Bl 13:8

Abram khan kơ Lot thoi âu: “Oei pôm hơtô hơrao hơnao, kăt apinh ba 'nĕ pă pơjah băl; lu bơngai wei triu ba hai kư̆m 'nĕ pă tơgar băl.

II Pot 14:9

Jêhôas pơtao đe Isơrael wơh bơngai pơtruh nơ̆r kơ Amasia pơtao đe Juđa: “'Long jơla lăm char Liban wơh athei năm pơtruh nơ̆r kơ 'long hơngo lăm bri Liban thoi âu: Ăn kon adruh ih pơm akăn kon tơdăm inh. Minh pôm sem bri đơ̆ng bri Liban rok pơjuă pơhĕch jơla noh.

Tơdrông Pơđơk 14:17

Bơngai bu 'bônh kơ blĕk pơm tơdrong kơtul kơwao. Lu bơngai hơlĕnh pơdăr đe gô areh.

Tơdrông Pơđơk 14:29

Bu mă hiơ̆ kơ hil noh đei tơdrong hơgei tih. Mă-lei bu đei 'bônh kơ hil noh tơ'bôh tơdrong kơhlôh kơwao sư.

Tơdrông Pơđơk 16:32

Bơngai bu hiơ̆ kơ blĕk Pran hloh kơ bơngai nuih kơtang. Bơngai bu kĕ wei jơhngơ̆m sư, 'Lơ̆ng hloh kơ bơngai mă nuih blah iŏk pơlei tih.

Tơdrông Pơđơk 17:14

Pơtơm tơhil pơjah noh nhen thoi bơnơ̆ bơ̆ đak pơchah. Thoi noh na jah pơdơh tơhil adrol kơ blĕk rai dêh.

Tơdrông Pơđơk 18:6

'Bơ̆r lu bơngai kơwao ba tơdrong pơjah; 'Bơ̆r pơma pơgreh chă đe teh sư kơdih.

Tơdrông Pơđơk 19:11

Bơngai gơh hơgei đei đon huay 'bônh kơ blĕk. Păng huay kơ jô̆ yo mă đe pơm yoch kơ sư.

Tơdrông Pơđơk 21:24

Blei hiap, noh anăn lu bơngai pơang pơrŏ; Sư pơm kư̆ kă chă pôk pơang dêh.

Tơdrông Pơđơk 26:17

Bơngai bu yak rok trong drong mơ̆t tơhil tơdrong noh ưh kơ 'bơm sư. Thoi bơngai mă pet wĕnh đon kŏ.

Êphêsô 4:32

Iĕm athei pơm băl mă 'lơ̆ng, băt 'mêm mơnat kơ bôl buăl, 'nĕ kơ jô̆ yo dih băl thoi 'Bok Kei-Dei huay kơ jô̆ yo kơ bơ̆n yua kơ Kon Sư Yêsu Krist lôch tang bơ̆n.

Ya 3:14

Lu iĕm 'bok bơtho, dah iĕm oei 'nhĕng đe, iĕm jang tơgar băl 'maih pơm yŏng păng iĕm pơang kơ đe khan iĕm hơgei tơdrong 'Bok Kei-Dei hloh kơ lu bơngai nai, noh iĕm hơlĕnh đĕch boih, ưh kơ trŏ iĕm hơgei tơpă ôh.

Ya 4:1

Yua kơ kiơ iĕm hil areh pơjah pơjăng dih băl? Yua kơ jơhngơ̆m iĕm hưch kơ tơdrong âu tơdrong to, jing pơtuah kuă ăn iĕm kiơ̆ tơdrong 'Bok Kei-Dei hăm trŏ?