Tơdrông Pơđơk 20:22 - Sơ̆p Hlabơar Nơ̆r 'Bok Kei-Dei

²² 'Nĕ pơma khan, tơan wă pơm kơ đe kơnê̆. Lê̆ gô mơ̆ng đơ̆ng Kră Yang, na Sư gô dŏng pơklaih ih.

Tơdrông Pơđơk 20:22 ပူးပေါင်းရင်းမြစ်များ

II Sam 16:12

Băt Kră Yang lăng 'bôh boih tơdrong pơmat-tat inh, na ăn tơdrong pŭn hiôk tơplih tơdrong sư hiap năr 'nâu.”

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Horiso 37:34

Chang gô bĕ Kră Yang păng wei kiơ̆ trong Sư, Sư gô hơtŏk ih wă kơ đei teh! Mưh lu kơnê̆ răm đĭ, Ih gô 'bôh tơdrong noh.

Horiso 37:40

Kră Yang tơgŭm pơklaih lu sư; Sư pơklaih lu sư dơ̆ng lu bơngai kơnê̆ păng tơgŭm dŏng lu sư, Yua kơ lu sư kơ'nơp boih lăm Kră Yang.

Tơdrông Pơđơk 17:13

Bơngai bu pơm kơnê̆ tơwih kơ đe pơm 'lơ̆ng, Tơdrong truh pơmat ưh kơ weh ôh đơ̆ng hnam sư.

Tơdrông Pơđơk 19:11

Bơngai gơh hơgei đei đon huay 'bônh kơ blĕk. Păng huay kơ jô̆ yo mă đe pơm yoch kơ sư.

Tơdrông Pơđơk 20:21

Mŭk tơmam mă bơ̆n jah đei blŭng-a, ưh kơ đei yua hiôk đunh ôh.

Tơdrông Pơđơk 24:29

'Nĕ chă pơma: Inh gô pơm kơ sư thoi sư pơm kơ inh; Inh gô pơm 'mong kiơ̆ tơdrong đêl sư pơm.

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Lêwi 19:18

'Nĕ kơ pơm 'mong răk rong mong găr hăm rông 'bôt kơtum kơtŏng 'nhŏng oh ih, athei 'mêm kơ lu sư thoi ih 'mêm akâu ih kơdih, Inh boih Kră Yang.

Mathiơ 5:39

Thoi noh boih na gah Inh bơtho iĕm thoi âu: Đe pơm kơnê̆ kơ iĕm, iĕm 'nĕ pơm plơ̆ kơ đe; đe tap 'bŏ iĕm gah 'ma, ăn sư tap gah minh dơ̆ng.

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

I Tes 5:15

Iĕm 'nĕ kơ hil kơ sư. Iĕm ling-lang athei pơm 'lơ̆ng lăm tơduă iĕm hăm lu bôl buăl nai mơ̆n.

I Pet 2:23

Đe pơma kơnê̆ kơ Sư, Sư ưh kơ pơma kơnê̆ kơ đe; đe pơm pơmat Sư, mă-lei Sư ưh kơ pơma tơwih kơ đe. Sư gô mơ̆ng kơ 'Bok Kei-Dei đĕch, yua kơ Sư băt kơ 'Bok Kei-Dei sek tơlang tơpăt.

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.

I Pet 4:19

Mă 'Bok Kei-Dei ăn tơdrong gleh truh kơ bơ̆n, bơ̆n athei pơm 'lơ̆ng hơnơ̆ng păng pơjao kơ Sư tơdrong arih bơ̆n; yua kơ Sư pơjing bơ̆n, Sư ưh kơ lê̆ bơ̆n ôh.

I Sam 25:13

Đawit khan kơ lu bơngai kiơ̆ sư: Rim 'nu kơ lu bơ̆n athei tơ̆n đao bơ̆n. Lu sư tơ̆n đao păng Đawit kư̆m tơ̆n đao sư; dang puăn-hrĕng 'nu bơngai năm kiơ̆ Đawit, oei pă 'bar-hrĕng 'nu bơngai oei răp gô wei tơmam.