Tơdrông Pơđơk 2:9 - Sơ̆p Hlabơar Nơ̆r 'Bok Kei-Dei

⁹ Kơplah noh ih gô băt hlôh tơdrong tơpăt tơdrong trŏ, Tơdrong tơpăt hơnơ̆ng, rim trong 'lơ̆ng rŏ.

Tơdrông Pơđơk 2:9 ပူးပေါင်းရင်းမြစ်များ

Horiso 119:105

Nơ̆r Ih jing ŭnh kơđeng kơ jơ̆ng inh. Nhơk pơchrang ăn kơ trong inh.

Horiso 119:99

Inh đei đon hơgei hloh kơ lu bơngai bơtho inh. Yua kơ inh tơchĕng lu tơdrong đêl Ih bơtho khan.

Horiso 25:12

Bơngai bu hli yom kơ Kră Yang? Sư gô bơtho pơhrăm bơngai noh lăm trong sư wă rơih.

Horiso 32:8

Inh gô bơtho tơ'bôh kơ lu iĕm trong lu iĕm athei năm kiơ̆. Măt Inh gô wei-lăng păng na bơtho tơ'bôh kơ lu iĕm.e

Tơdrông Pơđơk 28:5

Bơngai pơm kơnê̆ đê̆ pă băt tơdrong tơpăt; Mă-lei đei bơngai bu băt chă Kră Yang na băt hlôh đĭ-đăng.

Tơdrông Pơđơk 4:12

Kơplah ih năm, ih yak huay kơ pơgăn, Mưh ih kơdâu, ih huay kơ kơtơih pơ̆k.

Tơdrông Pơđơk 4:18

Mă-lei trong lu bơngai tơpăt thoi hơdah pơchrang, Pơchrang hơdah truh tơ 'năr dơ̆ng.

Tơdrông Pơđơk 8:20

Inh yak lăm trong tơpăt, băt oei lăm trong trŏ lăp.

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Êsai 48:17

Kră Yang Tơ'ngla dŏng pơklaih iĕm Tơ'ngla 'Lơ̆ng Rơgoh Isơrael khan: “Inh bơih Kră Yang, 'Bok Kei-Dei iĕm, Tơ'ngla bơtho iĕm mă đei tơdrong 'lơ̆ng kơ iĕm păng dui ba iĕm lăm trong iĕm gô năm.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.