Tơdrông Pơđơk 2:8 - Sơ̆p Hlabơar Nơ̆r 'Bok Kei-Dei

⁸ Sư wei-lăng trong lu bơngai tơpăt, Sư bơwei trong lu bơngai hli yom kơ Sư.

Tơdrông Pơđơk 2:8 ပူးပေါင်းရင်းမြစ်များ

Horiso 1:6

Yua kơ Kră Yang băt trong lu bơngai tơpăt, Mă-lei trong lu bơngai kơnê̆ gô hiong răm.

Horiso 145:20

Kră Yang wei-lăng lu bơngai mă 'mêm kơ Sư, Mă-lei gô pơlôch pơrăm lu bơngai pơm kơnê̆.

Horiso 23:3

Sư ăn kơ bơhngol inh pran dơ̆ng.a Dui ba inh lăm trong tơpăt, yua kơ anăn Sư.

Horiso 37:28

Kră Yang lăp đon kơ tơdrong tơpăt, Ưh kơ đei achăng lê̆ lu bơngai 'lơ̆ng rơgoh Sư; Lu sư đei Kră Yang wei-lăng ling-lang: Mă-lei gah lu adrĕch adrung bơngai kơnê̆ gô răm đĭ.

Horiso 37:31

Khôi juăt Kră Yang 'Bok Kei-Dei oei lăm jơhngơ̆m sư; Rim yak sư huay kơ tơpling.

Horiso 66:9

Sư boih bơwei tơdrong arih lu bơ̆n. Ưh kơ ăn jơ̆ng lu bơ̆n tơpling.

Horiso 97:10

Ơ lu bơngai mă 'mêm kơ Kră Yang areh bĕ kơ tơdrong kơnê̆; Sư wei wêr tơdrong arih bơngai 'lơ̆ng rơgoh Sư. Păng dŏng pơklaih lu sư đơ̆ng ti lu bơngai pơm kơnê̆.

Tơdrông Pơđơk 8:20

Inh yak lăm trong tơpăt, băt oei lăm trong trŏ lăp.

Êsai 35:9

Tơ trong noh ưh kơ đei dăm-brang, ưh kơ đei minh pôm sem bri ayơ mă krưp năm rok trong noh; ưh kơ đei bu 'bôh sư tơ noh. Mă-lei lu bơngai mă huai iŏk bơih gô yak năm trong noh.

Both 33:3

Sư 'mêm kơ kon pơlei pơla Sư tơpă; đĭ-đăng lu linh jang oei lăm tơpang ti Sư; Sơtơ̆p kŭl-tăng kơkuh 'bơ̆t jơ̆ng Sư. Sơng iŏk nơ̆r bơtho khan đơ̆ng Sư.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.