Tơdrông Pơđơk 2:10 - Sơ̆p Hlabơar Nơ̆r 'Bok Kei-Dei

¹⁰ Yua kơ tơdrong gơh hơgei gô mơ̆t tơ lăm jơhngơ̆m ih, Tơdrong hlôh wao gô pơm kơ bơhngol ih hiôk chơt.

Tơdrông Pơđơk 2:10 ပူးပေါင်းရင်းမြစ်များ

Jop 23:12

Inh ưh kơ tơklah kơ nơ̆r tơtă đơ̆ng 'bơ̆r Sư. Inh răk lăm jơhngơ̆m inh nơ̆r đơ̆ng 'bơ̆r Kră Yang hloh kơ tơmam sŏng sa.a

Horiso 104:34

Ăn tơdrong inh tơchĕng 'lơ̆ng lăp đon Sư. Inh gô chơt hiôk lăm Kră Yang.

Horiso 119:103

Nơ̆r Kră Yang pơm kơ hơlŏng inh 'ngam dêh. 'Ngam hloh kơ đak sut lăm 'bơ̆r inh.

Horiso 119:111

Nơ̆r Ih bơtho khan jing mŭk tơmam inh ling-lang. Yua kơ noh jơhngơ̆m inh chơt hiôk,

Horiso 119:162

Inh hiôk chơt kơ nơ̆r Ih pơkă thoi lu đe blah iŏk đei tơmam lơ.

Horiso 119:97

Inh 'mêm kơ khôi juăt Ih dêh! Prăt năr inh tơchĕng kơ khôi juăt noh.

Horiso 19:10

Dôm tơdrong noh gĭt hloh kơ maih, gĭt hloh kơ ling maih; Kŭm 'ngam hloh kơ đak sut đơ̆ng hơkoh sư.

Tơdrông Pơđơk 1:4

Wă ăn kơ lu bơngai kơtul kơwao gơh kơchăng, bơngai hơmuh hơmŏng băt hlôh păng băt tơchĕng.

Tơdrông Pơđơk 14:33

Tơdrong hơgei oei lăm jơhngơ̆m bơngai hlôh wao; Mă-lei tơdrong hơgei ưh kơ oei lăm jơhngơ̆m bơngai kơtul.

Tơdrông Pơđơk 22:18

Ih gô chơt hiôk tơdah ih răk sư lăm jơhngơ̆m, Păng wei sư oei lăm 'bơ̆r hơkŭng ih ling-lang.

Tơdrông Pơđơk 4:6

'Nĕ kơ achăng tơdrong gơh hơgei, na sư gô wei-lăng ih; 'Mêm bĕ kơ sư, na sư gô dŏng ih.

Je 15:16

Inh kơtơ̆ng boih nơ̆r Ih, inh luăn sa boih; nơ̆r Ih pơma jing tơdrong pơhiôk lăm jơhngơ̆m inh, yua kơ inh gah Ih. Ơ Kră Yang 'Bok Kei-Dei Tih Hloh.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.