Tơdrông Pơđơk 19:8 - Sơ̆p Hlabơar Nơ̆r 'Bok Kei-Dei

⁸ Bu đei đon gơh hơgei wei akâu kơdih, Bu bơwei đon hlôh wao gô chă đei tơdrong pŭn hiôk.

Tơdrông Pơđơk 19:8 ပူးပေါင်းရင်းမြစ်များ

Horiso 19:11

Đơ̆ng tơdrong noh bơtho ăn kơ đĭch đam Kră Yang hlôh wao; Bu bơwei, sư đei apah tih tơpă.

Tơdrông Pơđơk 16:20

Bơngai bu chu iŏk đe bơtho gơh đei yua; Bơngai bu gơnang kơ Kră Yang gơh đei pŭn hiôk.

Tơdrông Pơđơk 17:16

Hăm yua kiơ bơngai kơwao chĕp jên hu, Sư ưh kơ 'maih răt tơdrong hơgei.

Tơdrông Pơđơk 19:9

Bu pơm kơdranh hơlĕnh ưh kơ klĕnh hlôi ôh đơ̆ng phak. Bu pơma hơlĕnh gô hiong răm.

Tơdrông Pơđơk 22:18

Ih gô chơt hiôk tơdah ih răk sư lăm jơhngơ̆m, Păng wei sư oei lăm 'bơ̆r hơkŭng ih ling-lang.

Tơdrông Pơđơk 3:18

Tơdrong gơh hơgei sư jing minh tơnơm 'long arih kơ bơngai bu đei rôp sư; Bơngai bu đei rôp sư kơjăp jô̆ bơngai pŭn hiôk tơpă.

Tơdrông Pơđơk 3:21

Ơ dăm wei răk bĕ tơdrong gơh hơgei, păng tơdrong băt đon tơchĕng, 'Nĕ ăn măt ih weh ataih đơ̆ng tơdrong noh.

Tơdrông Pơđơk 3:22

Sư noh boih jing tơdrong arih kơ bơhngol ih, Păng tơmam pơhrôp 'lơ̆ng 'băk tơ hơko ih.

Tơdrông Pơđơk 4:21

'Nĕ ăn kơ lu nơ̆r noh ataih đơ̆ng măt ih, Iŏk răk bĕ lăm jơhngơ̆m ih.

Tơdrông Pơđơk 4:4

'Bă inh đei bơtho inh: Wei răk bĕ lăm jơhngơ̆m nơ̆r inh pơma. Chu kơ nơ̆r inh tơtă, na ih gơh arih.

Tơdrông Pơđơk 4:6

'Nĕ kơ achăng tơdrong gơh hơgei, na sư gô wei-lăng ih; 'Mêm bĕ kơ sư, na sư gô dŏng ih.

Êsêkiên 36:26

Inh gô ăn kơ lu iĕm jơhngơ̆m 'nao păng ăn yang bơhngol 'nao tơ lăm lu iĕm; Inh gô iŏk hŭt lê̆ đĭ jơhngơ̆m arăng thoi tơmo đơ̆ng akâu lu iĕm păng ăn kơ lu iĕm jơhngơ̆m rơmuăn hăm sĕch wă chu kiơ̆ Inh.

Yo 12:25

Bơngai bu 'mêm kơ akâu sư kơdih, akâu sư 'noh gô hiong. Mă-lei bơngai bu ưh kơ 'mêm kơ akâu sư kơdih ala teh âu, sư 'noh gô arih ling-lang hơdai păng 'Bok Kei-Dei.

Yo 14:21

“Bơngai bu răk dôm tơdrong Inh pơkă, bơngai 'noh boih 'mêm kơ Inh tơpă. Bơngai bu 'mêm kơ Inh, 'Bă Inh kư̆m 'mêm kơ sư mơ̆n; păng Inh kư̆m 'mêm kơ sư na Inh tơbăt kơ sư akâu Inh.”

I Pet 3:10

Tơdrong noh trŏ thoi đe chih lăm sơ̆p hla bơar Sư thoi âu: “Bơngai bu wă kơ arih hiôk jơnap, bơngai noh athei gơ̆t 'bơ̆r sư pơma kơnê̆, 'nĕ kơ pơma hơlĕnh;