Tơdrông Pơđơk 19:23 - Sơ̆p Hlabơar Nơ̆r 'Bok Kei-Dei

²³ Tơdrong hli yom kơ Kră Yang ba tơdrong arih. Bu đei tơdrong noh hiôk-hian hloh; ưh pă đei rŭng răng.

Tơdrông Pơđơk 19:23 ပူးပေါင်းရင်းမြစ်များ

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Horiso 19:9

Hli yom kơ Kră Yang jơ̆ 'lơ̆ng rơgoh, oei oei truh tơ ning-mônh, Dôm tơdrong Kră Yang pơkă jơ̆ sĭt tơpă, đĭ-đăng trŏ ngăl.

Horiso 25:13

Bơhngol sư gô oei tơ anih hiôk-hian. Păng lu kon sâu sư gô đei teh jang sa

Horiso 85:9

Tơpă tơdrong sư dŏng pơklaih oei jê̆ tơ lu đe bu mă hli yom kơ sư. Wă kơ tơdrong ư-ang đei oei lăm char bơ̆n.

Horiso 90:14

Ơ! Apinh Ih ăn kơ lu nhôn rim pơgê hrăp jơhngơ̆m kơ tơdrong Ih 'mêm. Wă kơ đĭ lăm chăl arih lu nhôn chơt hiôk hơri bơnê.

Horiso 91:10

Thoi noh ưh kơ đei tơdrong răm kiơ mă truh kơ ih. Kŭm ưh kơ đei jĭ hơbuh kiơ mă truh tơ bơsŭn ih.

Horiso 91:16

Inh gô ăn kơ sư arih sot păng chơt hiôk păng gô tơ'bôh ăn kơ sư tơdrong Inh dŏng pơklaih.”

Tơdrông Pơđơk 10:27

Tơdrong hli yom kơ Kră Yang ba thim khei năr; Mă-lei khei sơnăm lu bơngai pơm kơnê̆ gô rai djăl.

Tơdrông Pơđơk 11:19

Bơngai bu đei jơhngơ̆m arih sa 'lơ̆ng tơpăt gô đei arih; Mă-lei gah lu bơngai kư̆ kă chă tơdrong kơnê̆ gô lôch.

Tơdrông Pơđơk 12:21

Ưh kơ đei tơdrong kiơ truh kơ lu bơngai 'lơ̆ng tơpăt; Mă-lei đei tơdrong truh răm kơ lu bơngai pơm kơnê̆.

Tơdrông Pơđơk 19:22

Đe wă kơ 'bôh lăm bơngai noh 'noh pơm 'lơ̆ng. Mă dơnuh hin ră mă-lei 'lơ̆ng hloh kơ bơngai hơlĕnh.

Tơdrông Pơđơk 22:4

Tơdrong apah kơ bơngai iŏk đon ala, păng hli yom kơ Kră Yang. Noh tơdrong mơdrŏng, tơdrong arih păng đe pơyom.

Tơdrông Pơđơk 3:24

Kơplah ih 'bĭch ưh kơ đei hli kiơ. Kơplah ih 'bĭch tep, ih gô tep hiôk-hian.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Mathiơ 5:6

“Pŭn dêh lu bơngai 'maih pơm 'lơ̆ng thoi 'Bok Kei-Dei wă, 'Bok Kei-Dei gô ăn kơ sư jing 'lơ̆ng thoi noh.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

II Tim 4:18

Păng Sư gô dŏng inh đơ̆ng dôm tơdrong kơnê̆ na atŏk inh tơ dêh char Sư tơ plĕnh. Thoi noh inh wă ư-ang kơ Sư ling-lang ưh kơ layơ hiơt. A-men.