Tơdrông Pơđơk 19:21 - Sơ̆p Hlabơar Nơ̆r 'Bok Kei-Dei

²¹ Jơhngơ̆m kon bơngai đei lơ tơdă wă pơm, Mă-lei đei tơdrong Kră Yang wă gô jing.

Tơdrông Pơđơk 19:21 ပူးပေါင်းရင်းမြစ်များ

Bl 50:20

Đĭ lu 'nhŏng wă pơrăm inh ră, mă-lei Kră Yang 'Bok Kei-Dei pơm kơ inh đei yua, wă kơ dŏng pơklaih lơ bơngai, thoi noh dôm tơdrong mă đei truh dang ei păng oei wă wei rong tơdrong arih lơlang lơlap kon pơlei.

II Sam 17:14

Apsalôm păng đĭ-đăng kon pơlei Isơrael tă kơ lăp ngăl khan tơdrong tơchĕng chă đon Husai, bơngai Arkit, hơgei hloh kơ tơdrong tơchĕng Ahithôphel. Yua kơ Kră Yang pơrăm lê̆ tơdrong tơchĕng gơh hơgei Ahithôphel, wă tuh tơdrong pơmat-tat ăn kơ Apsalôm.

Esther 9:25

Mă-lei kơplah yă Esther năm 'bơ̆t anăp pơtao wă roi tơdrong noh, na pơtao tơjur nơ̆r chih thoi âu: Tơdrong kơnê̆ Haman chă đon wă pơrăm adrĕch Juđa noh thoi tuh plơ̆ tơ kơ̆l sư kơdih, đơ̆ng noh đe hrek atol sư păng lu kon drŏ-nglo sư tơ kơpal 'long gơ̆ng.

Jop 23:13

Mă-lei Kră Yang ưh kơ đei tơplih ôh. Bơngai bu pơ̆n tơplih Sư? Tơdrong kiơ Sư wă, Sư pơm hloi.

Horiso 21:11

Mă lu sư wă pơm kơnê̆ kơ Ih ră Lu sư pơđâu chă đon ưh kơ jing ôh.

Horiso 83:4

Lu sư khan: “Bĕ bơ̆n năm pơlôch pơđĭ adrĕch lu sư đơ̆ng teh đak, Wă kơ pă đei bu 'blŏk kơ anăn Isơrael dơ̆ng.”

Tơdrông Pơđơk 12:2

Bơngai 'lơ̆ng đei tơdrong mơnat đơ̆ng Kră Yang, Mă-lei Sư jô̆ yoch lu bơngai pơm kơnê̆.

Tơdrông Pơđơk 16:1

Tơdă wă pơm noh đơ̆ng jơhngơ̆m kon bơngai, Mă-lei đei hơpiĕt tơl tơwih noh lĕch đơ̆ng Kră Yang.

Tơdrông Pơđơk 16:9

Đon tơchĕng bơngai chă rơih trong kơdih wă; Mă-lei Kră Yang ba trong sư.

Tơdrông Pơđơk 19:22

Đe wă kơ 'bôh lăm bơngai noh 'noh pơm 'lơ̆ng. Mă dơnuh hin ră mă-lei 'lơ̆ng hloh kơ bơngai hơlĕnh.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Bôk Bơthô 7:29

Mă-lei 'nâu mă tơdrong inh chă 'bôh: Kră Yang 'Bok Kei-Dei pơjing boih bơngai tơpăt; mă-lei kon bơngai chơchă đon kơdih tơdrong kơnê̆.”

Êsai 14:24

Kră Yang Tih Hloh pơma pơkăm khan: “Tơpă tơdrong Inh pơkă lê̆ bơih sĭt sư gô đei truh, tơdrong Inh tơchĕng lê̆ bơih sư gô jing.

Êsai 46:10

Inh roi bơih tơdrong năr tuch-luch đơ̆ng blŭng-a sơ̆. Inh roi tơbăt bơih đơ̆ng chăl adrol sơ̆ dôm tơdrong mă ưh tam đei truh. Inh pơma khan: Tơdrong Inh, kơnhăm wă gô dơ̆ng kơjăp, Inh gô pơm dôm tơdrong mă Inh lăp đon.

Je 44:29

Kră Yang khan: “'Nâu boih tơdra Inh wă phak iĕm lăm anih 'nâu, wă kơ lu iĕm băt Inh sĭt tơpă gô ăn tơdrong răm truh tơ lu iĕm.”

Êsêkiên 20:32

Lu iĕm khan: Lu nhôn wă gô kơkuh kơ 'long păng tơmo, kiơ̆ thoi adrĕch adrung lu dêh char âu. Tơdrong lu iĕm tơchĕng lăm đon tơdrong noh ưh kơ đei truh ôh,

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Êphêsô 1:11

'Bok Kei-Dei pơm tôm tơdrong kiơ̆ thoi Sư đêl pơkă lê̆ boih, na tơdrong Sư ăn Yêsu lôch tang bơ̆n, hăm rơih iŏk wă kơ bơ̆n jing kon Sư, noh Sư pơkă lê̆ đơ̆ng blŭng-a sơ̆ boih.

I Pet 2:8

Tơ lăm sơ̆p hla bơar 'Bok Kei-Dei kư̆m khan thoi âu dơ̆ng: “Kon bơngai gô kơtơih pơ̆k kơ tơmo noh.” Lu bơngai mă kơtơih pơ̆k noh yua kơ lu sư kuă kơ lui kơ nơ̆r 'Bok Kei-Dei pơma, na 'Bok Kei-Dei ăn kơ lu sư kơtơih pơ̆k.

Ju 1:4

Lu bơngai mă wă pơhlŭ pơlung iĕm noh, lu sư pơm thoi bơngai lui. Lu sư mơ̆t akŭm hơdai iĕm, pơm chur oei tơ tŏk-bŏk lu iĕm. Lu bơngai thoi noh 'Bok Kei-Dei khan wă phak đơ̆ng sơ̆ 'mơ̆i. Lu sư bơngai kơnê̆ tơpă, lu sư khan kơlih kơ 'Bok Kei-Dei mơnat kơ tơdrong yoch bơ̆n, na bơ̆n pơm yoch kiơ kư̆m bưh, pơm tơdrong kơnê̆ kư̆ kă kư̆m bưh. Yŏng Tơ'ngla bơ̆n Yêsu Krist, mă lu sư kư̆m ưh kơ lui yom mơ̆n.