Tơdrông Pơđơk 19:17 - Sơ̆p Hlabơar Nơ̆r 'Bok Kei-Dei

¹⁷ Bơngai bu băt mơnat kơ bơngai dơnuh hoh, noh thoi ăn kơ Kră Yang mơng; Kră Yang pơkă wă tơwih ăn thoi tơdrong 'lơ̆ng sư pơm.

Tơdrông Pơđơk 19:17 ပူးပေါင်းရင်းမြစ်များ

II Sam 12:6

Sư athei duh 'mong puăn plơ̆ng, yua kơ sư pơm thoi noh, sư ưh kơ đei jơhngơ̆m băt mơnat.”

Horiso 41:2

Kră Yang gô wei-lăng păng wei wêr tơdrong arih sư. Sư gô đei pŭn hiôk kơpal teh păng Kră Yang ưh kơ đei lê̆ bơngai noh kiơ̆ thoi lu ayăt kơ sư wă,

Horiso 72:13

Sư gô mơnat kơ lu pơmat-tat păng lu hoh kơ đei, Păng pơklaih tơdrong arih lu bơngai kơ'bah kơ'bôch.

Tơdrông Pơđơk 12:14

Đei plei 'lơ̆ng đơ̆ng nơ̆r 'bơ̆r pơma, na ih đei tôm tơdrong 'lơ̆ng. Na đe ăn trŏ thoi tơdrong jang đêl sư pơm.

Tơdrông Pơđơk 14:21

Bơngai bu areh kơ rông 'bôt sư noh bơngai yoch; Mă-lei pŭn hiôk dêh kơ bơngai bu băt mơnat kơ bơngai dơnuh hin.

Tơdrông Pơđơk 14:31

Bơngai bu pơjăm pơjuă bơngai dơnuh hoh noh pơjăm kơ Tơ'ngla pơjing sư; Bu mă 'mêm mơnat kơ bơngai dơnuh hoh noh ư-ang kơ Kră Yang.

Tơdrông Pơđơk 22:9

Bơngai bu đei măt lăng mơnat sư gô đei pŭn hiôk. Yua kơ sư đei tơgŭm tơmam sa kơ lu bơngai dơnuh hin.

Tơdrông Pơđơk 28:27

Bơngai bu asong ăn kơ bơngai dơnuh hin ưh kơ kơ'bah ôh. Mă-lei bơngai bu ưh kơ băt mơnat gô đei đe blei hiap.

Tơdrông Pơđơk 28:8

Bơngai bu pơm kơ mơdrŏng rai tŏk iŏk đơ̆ng sa kiĕng lơ. Jên kăk răt pơpôi ăn kơ bơngai băt mơnat kơ lu dơnuh hin.

Bôk Bơthô 11:1

Gơih bĕ mŭk tơmam ih tơ kơpal đak, na ning-mônh kơnh ih gô đei sư dơ̆ng.

Bôk Bơthô 11:2

Ih athei chă asong kơ tơpơh 'nu, tơhngam 'nu, truh tơ lơ bơngai, yua ưh kơ băt năr ayơ gô đei tơdrong truh kơ ih.

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Luka 6:38

Iĕm athei mơnat, tơgŭm đe, na 'Bok Kei-Dei kư̆m mơnat tơgŭm iĕm mơ̆n. Sư gô tơgŭm iĕm lơ tơpă kư̆m dang lĕ đe ăn đĕch kơ iĕm minh kơ'mŭng 'ba 'bĕnh blai rơkah rơkai. Iĕm tơgŭm đe dang yơ, 'Bok Kei-Dei gô tơgŭm iĕm dang noh mơ̆n.”

Both 24:19

Kơplah iĕm yuă 'ba tơ mir chŭn, na hiơt minh hơchô̆ 'ba oei tơ noh, 'nĕ pă năm wơ̆t iŏk dơ̆ng hơchô̆ 'ba noh lê̆ kơ lu bơngai tơmoi, lu bơngai mơti păng lu yă adro, wă kơ Kră Yang 'Bok Kei-Dei iĕm ăn pŭn hiôk kơ iĕm lăm dôm tơdrong jang đơ̆ng iĕm pơm.

Philip 4:17

Mă-lei ưh kơ sĭ inh apơi chă iĕm wă kơ iĕm tơgŭm inh ôh. Tơdrong noh inh hiôk tơpă, iĕm tơgŭm inh 'Bok Kei-Dei kư̆m tơgŭm iĕm mơ̆n.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.