Tơdrông Pơđơk 18:5 - Sơ̆p Hlabơar Nơ̆r 'Bok Kei-Dei

⁵ Ưh kơ trŏ ôh mơ̆t bơngai kơnê̆; Sek pơglăi lê̆ bơngai tơpăt.

Tơdrông Pơđơk 18:5 ပူးပေါင်းရင်းမြစ်များ

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Horiso 82:2

“Lu iĕm gô sek tơlang ưh kơ tơpăt păng mơ̆t lu bơngai kơnê̆ dĭng dang yơ? Sêla

Le 23:2

Ih 'nĕ kơ grê kiơ̆ lu bơngai tơpôl lơ wă pơm tơdrong kơnê̆ ôh, tơdah ih wă dơ̆ng pơm kơdranh roi tơdrong kiơ, ih 'nĕ kơ druh kiơ̆ bơngai tơpôl wă 'bơ̆ lê̆ tơdrong tơpăt.

Le 23:3

Ih kư̆m ưh kơ gơh mơ̆t bơngai dơnuh tơdah wă sek tơlang kơ sư.

Le 23:6

Lăm tơdrong sek tơlang 'bơm bơngai dơnuh, ih 'nĕ kơ 'bơ̆ đŏng tơdrong tơpăt.

Tơdrông Pơđơk 17:15

Bu dŏng bơngai kơnê̆ khan bơngai tơpăt. Bu băt jâu bơngai 'lơ̆ng tơpăt khan kơnê̆, 'Bar 'nu bre noh Kră Yang areh pơđĭ.

Tơdrông Pơđơk 17:26

Phak lu bơngai tơpăt noh glăi Kŭm thoi teh lu bơngai pơgơ̆r 'lơ̆ng.

Tơdrông Pơđơk 24:23

Nơ̆r 'nâu gơh đei lĕch đơ̆ng bơngai hơgei pơma; Sek tơlang 'nĕ kơ mơ̆t minh pah ưh kơ 'lơ̆ng.

Tơdrông Pơđơk 28:21

Mơ̆t dŏng đe noh ưh kơ 'lơ̆ng. Mă đơ̆ng minh pôm 'bĕng mi ră mă-lei gô pơm glăi.

Tơdrông Pơđơk 31:5

Hli kơ lu sư et suai, hiơt tơdrong juăt, Pơm kư̆ kă chă sek tơdrong kơ lu bơngai dơnuh hin.

Êsai 5:23

Lu sư achăng lê̆ lu bơngai pơm kơnê̆ yua kơ đei iŏk pơgâm sa tơmam đe răt, sơngah ưh kơ pơm tơdrong 'lơ̆ng tơpăt kơ bơngai ưh kơ đei yoch.

Êsai 59:14

Tơdrong tơpăt rai kơdŭn, tơdrong 'lơ̆ng dơ̆ng tơ ataih. Tơdrong trŏ pơ̆k bơih 'bơ̆t trong tih pơlei păng tơdrong pơm tơpăt ưh kơ gơh mơ̆t.

Lêwi 19:15

Lăm iĕm sek tơlang 'nĕ kơ pơm glăi tơdrong tơpăt. 'Nĕ kơ mơ̆t bơngai dơnuh hin dah bơngai pơm yŏng tih ôh, na athei sek tơlang tơpăt kơ bơngai rông 'bôt bơ̆n.

Mi 3:9

Ơ lu kơdră hnam Jakôp păng lu bơngai pơgơ̆r hnam Isơrael, mơ̆ng bĕ nơ̆r âu, iĕm areh kơ tơdrong trŏ păng wă pơrăm pơrai tơdrong tơpăt hơnơ̆ng.

Mi 7:3

Ti lu sư hrăn nŏng kơ pơm kơnê̆. Yŏng pơgơ̆r chă apinh mŭk tơmam, 'bok sek tơlang kư̆m hrăn chă sa pơgâm, gah bơngai pran kơtang 'maih pơm kơnê̆ kiơ̆ kơ jơhngơ̆m kơdih; thoi noh na lu sư pơđâu hơdai.

Mathiơ 22:16

Lu sư wơh buăl lu sư năm hơdai khŭl pơtao Hêrôt năm jet Yêsu thoi âu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang.

Both 16:19

'Nĕ kơ pơm glăi kơ tơdrong tơpăt; 'nĕ kơ mơ̆t minh pah; 'nĕ kơ sa tơmam đe răt apah, yua kơ tơmam đe răt apah noh pơm ăn kơ lu bơngai rơngei măt tol păng gơwĕch lê̆ nơ̆r bơngai tơpăt.