Tơdrông Pơđơk 18:24 - Sơ̆p Hlabơar Nơ̆r 'Bok Kei-Dei

²⁴ Bơngai đei buăl juăt lơ pơmat kơ sư kơdih; Mă-lei bơngai đei minh 'nu buăl tơpăt juăt hloh kơ 'nhŏng oh pôm mĕ 'bă.

Tơdrông Pơđơk 18:24 ပူးပေါင်းရင်းမြစ်များ

II Sam 1:26

Ơ Jônathan, 'nhŏng inh, jơhngơ̆m inh ơh hang nuih kơ ih thoi đe 'bet; Inh 'mêm kơeng kơ ih dêh. Tơdrong buăl juăt ba hiôk hơiă dêh Hloh kơ tơdrong hưch wă kơ bơngai drŏ-kăn.

II Sam 15:21

Itai tơl: “Đei Kră Yang arih ling-lang lăng tông păng 'bơ̆t anăp pơtao yŏng inh, oei arih na inh pơkă: Mă pơtao yŏng inh oei tơ yơ, inh kư̆m oei tơ noh, mă lôch mă arih.”

II Sam 16:17

Apsalôm jet Husai: “'Nâu ih wă tơ'bôh tơdrong ih 'mêm kơ buăl ih hă? Liơ mă ih ưh kơ năm kiơ̆ sư?”

II Sam 21:7

Pơtao Đawit wei lê̆ Mêphibôset, kon drŏ-nglo Jônathan, sâu tơm pơtao Sôl, yua kơ đei nơ̆r pơkă hăm Kră Yang gah bre pơtao Đawit hăm Jônathan, kon drŏ-nglo pơtao Sôl.

Tơdrông Pơđơk 17:17

Buăl juăt băt 'mêm băl ling-lang. Đei 'nhŏng oh noh lăp wă tơgŭm băl lăm đei tơdrong gleh.

Tơdrông Pơđơk 27:10

'Nĕ kơ achăng bôl buăl ih dah buăl juăt 'bă ih, 'Nĕ kơ năm tơ hnam 'nhŏng oh năr ih đei tơdrong gleh pơmat, Bơngai rông 'bôt ih noh 'lơ̆ng hloh kơ 'nhŏng oei ataih.

Tơdrông Pơđơk 27:9

Tơmam 'bâu phu păng pơgang 'bâu phu pik pơm kơ jơhngơ̆m hiôk chơt. Nơ̆r pơlung đơ̆ng lu bôl buăl kư̆m hiôk chhơp thoi noh.

I Sam 18:1

Đawit pơma dơnuh hăm Sôl đang boih, Jônathan păng Đawit pơm buăl juăt yua, kơ Jônathan 'mêm kơ Đawit dêh thoi akâu sư kơdih.

I Sam 18:3

Jônathan pơgơ̆p hăm Đawit, yua kơ sư 'mêm kơ Đawit nhen thoi akâu sư kơdih.