Tơdrông Pơđơk 18:10 - Sơ̆p Hlabơar Nơ̆r 'Bok Kei-Dei

¹⁰ Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Tơdrông Pơđơk 18:10 ပူးပေါင်းရင်းမြစ်များ

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 32:11

Thoi noh apinh Kră Yang 'Bok Kei-Dei pơklaih inh đơ̆ng ti Êsâu, 'nhŏng inh, kơnh hli kơ sư blah inh păng đe kon drŏ-kăn inh hai dơ̆ng.

II Sam 22:2

Pơtao hơri: “Kră Yang jơ̆ kông tơmo păng kơđông kơjăp inh, Tơ'ngla dŏng pơklaih inh!

II Sam 22:3

Kră Yang 'Bok Kei-Dei jơ̆ kông tơmo anih inh gơnang jơ̆ khêl pĕng inh, hơke dŏng pơklaih inh, hnam Thôt kơjung kơjăp anih inh kơ'nơp; Tơ'ngla dŏng pơklaih! Ih boih dŏng inh đơ̆ng bơngai pơm kơnê̆.

II Sam 22:51

Kră Yang ăn tơdrong kĕ jei jơnei tih kơ pơtao mă Ih đei rơih iŏk. Kră Yang 'mêm kơ bơngai mă Kră Yang ăn kơ đe tuh đak pơgang 'bâu phu noh tơdrong 'mêm kơjăp, ưh kơ đei tơplih. Kră Yang 'mêm kơ Đawit păng adrĕch adrung sư, ling-lang ưh kơ đei layơ tôch.”

Horiso 144:2

Sư Tơ'ngla 'mêm kơ inh păng kơđông kơjăp inh. Kră Yang jơ̆ hơbong sơlŭng kơjăp păng dŏng pơklaih inh. Thoi khêl pĕng inh păng anih inh kơ'nơp. Sư pơm kơ kon pơlei chu yom tơ ala jơ̆ng inh.

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 20:2

Apinh đơ̆ng anih rơgoh, gơih ăn tơdrong tơgŭm ih Păng đơ̆ng Siôn tơgŭm dŏng ih,

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 91:14

Kră Yang khan: “Yua kơ ih 'mêm kơ Inh na Inh gô dŏng pơklaih ih; Yua kơ ih băt anăn Inh. Na Inh gô wei-lăng ih

Horiso 91:2

Inh gô khan gah Kră Yang: “Sư boih anih mă inh kơ'nơp păng kơđông kơjăp mă inh hơđơ̆ng. Sư boih Kră Yang 'Bok Kei-Dei mă inh gơnang.”

Le 6:3

Inh pơdah tơ'bôh ăn kơ Abraham kơ Isăk păng Jakôp, Inh boih Kră Yang 'Bok Kei-Dei mơsêh mơyang;a mă-lei Anăn Inh Kră Yang,b Inh ưh tam đei layơ tơbăt kơ lu sư.

Tơdrông Pơđơk 14:26

Bơngai bu hli yom kơ Kră Yang, đei tơdrong gơnang kơjăp. Păng anih kơ'nơp kơjăp kơ lu kon sâu sư.

Tơdrông Pơđơk 29:25

Tơdrong hli kơ kon bơngai thoi hơđong hơ'năk; Mă-lei bơngai bu đei gơnang kơ Kră Yang oei hơđơ̆ng.

Êsai 26:4

Lui gơnang bĕ kơ Kră Yang ling-lang; Kră Yang jing hơgơp tơmo kơjăp ling-lang.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Habakuk 3:19

Kră Yang jơ̆ Kră Yang tơdrong pran kơtang inh, Sư pơm ăn kơ jơ̆ng inh yak kơjăp thoi jơ̆ng juei; Sư chông ba inh yak năm lăm kơpal kông groi.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Tơdrông Tơ'bôh 1:8

'Bok Kei-Dei Kră Yang tih hloh kơ đĭ-đăng păng pơgơ̆r tôm tĕch tơdrong, Sư đei đơ̆ng sơ̆ khơ̆ dang ei, mă gô jur ning-mônh, Sư khan thoi âu: “Inh thoi chư A, jĭ blŭng-a kơla chă hơdrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh.”

I Sam 17:45

Đawit khan kơ bơngai Philistin: Ih chĕp đao, năm blah inh, gah inh; inh yua anăn Kră Yang Tih Hloh, noh Kră Yang 'Bok Kei-Dei lu linh bơngai Isơrael, mă lu iĕm pơjăm pơjuă.

I Sam 30:6

Đawit đei tơdrong hli krưp tih dêh yua kơ lu bơngai kiơ̆ sư wă klơ̆m sư păng tơmo. Đĭ-đăng kơ lu linh kiơ̆ sư đei jơhngơ̆m ơh sơ'ngon dêh, yua kơ hiong kon drŏ-nglo kon drŏ-kăn lu sư, mă-lei Đawit đei jơhngơ̆m nuih pran đơ̆ng Kră Yang 'Bok Kei-Dei ăn kơ sư.