Tơdrông Pơđơk 17:17 - Sơ̆p Hlabơar Nơ̆r 'Bok Kei-Dei

¹⁷ Buăl juăt băt 'mêm băl ling-lang. Đei 'nhŏng oh noh lăp wă tơgŭm băl lăm đei tơdrong gleh.

Tơdrông Pơđơk 17:17 ပူးပေါင်းရင်းမြစ်များ

II Sam 1:26

Ơ Jônathan, 'nhŏng inh, jơhngơ̆m inh ơh hang nuih kơ ih thoi đe 'bet; Inh 'mêm kơeng kơ ih dêh. Tơdrong buăl juăt ba hiôk hơiă dêh Hloh kơ tơdrong hưch wă kơ bơngai drŏ-kăn.

II Sam 15:21

Itai tơl: “Đei Kră Yang arih ling-lang lăng tông păng 'bơ̆t anăp pơtao yŏng inh, oei arih na inh pơkă: Mă pơtao yŏng inh oei tơ yơ, inh kư̆m oei tơ noh, mă lôch mă arih.”

Esther 4:14

Yua kơ tơdah ih ngăn lăm jơ 'nâu gô đei trong nai dơ̆ng pơklaih adrĕch Juđa, mă-lei ih păng hnam dơnŏ 'bă ih kư̆m gô lôch răm. Bu băt lê̆ ih gơh pơm yă pơtao kư̆m yua kơ tơdrong lâu?

Tơdrông Pơđơk 16:28

Bơngai hơlĕnh ba tơdrong pơjah. Wă pơma plah tơklah tơduă bôl buăl.

Tơdrông Pơđơk 18:24

Bơngai đei buăl juăt lơ pơmat kơ sư kơdih; Mă-lei bơngai đei minh 'nu buăl tơpăt juăt hloh kơ 'nhŏng oh pôm mĕ 'bă.

Tơdrông Pơđơk 19:13

Kon drŏ-nglo kơtul jing pơrăm kơ 'bă sư; Akăn hrăn tơhil tơtil nhen thoi đak 'mi hngăt lĕch ling-lang.

Tơdrông Pơđơk 19:7

Đĭ-đăng 'nhŏng oh bơngai dơnuh kư̆m areh kơ sư; Pơma kiơ lu buăl juăt đĕch kư̆m achăng lê̆ sư. Sư druh chă wă pơlung, tơ yơ pă 'bôh dơ̆ng lu sư.

Hêbrơ 2:11

Yêsu pơklaih bơ̆n đơ̆ng tơdrong yoch păng pơyơ̆r bơ̆n kơ 'Bok Kei-Dei yua kơ Sư lăng bơ̆n thoi 'nhŏng oh pôm mĕ 'bă tơpă, 'Bă tơm bơ̆n lăp minh 'nu đĕch, Sư mă oei tơ plĕnh ti. Mă bơngai thoi bơ̆n, Sư kư̆m lăp đon kơ anăn bơ̆n 'nhŏng oh Sư.

Ru 1:16

Mă-lei Rut tơl sư thoi âu: Ih 'nĕ pă athei inh tơklah đơ̆ng ih, yua kơ ih năm tơ yơ inh gô kiơ̆ ih tơ noh; ih oei tơ yơ inh gô oei hơdai ih tơ noh; kon pơlei ih kư̆m jing kon pơlei inh mơ̆n; Kră Yang 'Bok Kei-Dei ih kư̆m jing Kră Yang 'Bok Kei-Dei inh mơ̆n;

I Sam 18:3

Jônathan pơgơ̆p hăm Đawit, yua kơ sư 'mêm kơ Đawit nhen thoi akâu sư kơdih.

I Sam 19:2

Jônathan roi ăn kơ Đawit băt Sôl, 'bă inh, chă wă pơlôch ih. Thoi noh, pơgê dơning ih lĕch kơdâu tơ anih mă hlơp na ôn tơ noh.

I Sam 19:3

Inh gô năm dơ̆ng răp lăng 'bă inh 'bơ̆t anih chŭn mă ih ôn noh păng roi kơ 'bă inh gah ih gô lăng sư pơma thoi yơ, đơ̆ng noh inh roi ăn kơ ih băt.

I Sam 20:17

Jônathan 'mêm kơ Đawit thoi 'mêm kơ akâu sư kơdih, na athei Đawit pơkă. Kŭm 'mêm kơ sư.

I Sam 23:16

Na Jônathan kon drŏ-nglo Sôl, iung năm tơ Hơres ngôi tơ Đawit oei lăm bri, pơma pơlung sư oei kơjăp đei đon lui gơnang kơ Kră Yang 'Bok Kei-Dei,