Tơdrông Pơđơk 17:15 - Sơ̆p Hlabơar Nơ̆r 'Bok Kei-Dei

¹⁵ Bu dŏng bơngai kơnê̆ khan bơngai tơpăt. Bu băt jâu bơngai 'lơ̆ng tơpăt khan kơnê̆, 'Bar 'nu bre noh Kră Yang areh pơđĭ.

Tơdrông Pơđơk 17:15 ပူးပေါင်းရင်းမြစ်များ

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

Horiso 94:21

Lu sư pơđâu băl wă pơm kơnê̆ kơ lu bơngai tơpăt. Păng sek pơlôch lu bơngai ưh kơ đei yoch.

Le 23:7

Ih 'nĕ kơ chu kiơ̆ dôm lu nơ̆r hơlĕnh pơdăr; 'nĕ kơ pơlôch bơngai ưh kơ pơm yoch păng bơngai 'lơ̆ng tơpăt, yua kơ inh ưh kơ đei achăng bơngai kơnê̆ ôh.

Tơdrông Pơđơk 11:1

Kră Yang ưh kơ lăp ôh kơ 'long kŏng sa pơgâm. Mă-lei plei kŏng trŏ noh sư lăp đon.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 17:26

Phak lu bơngai tơpăt noh glăi Kŭm thoi teh lu bơngai pơgơ̆r 'lơ̆ng.

Tơdrông Pơđơk 18:5

Ưh kơ trŏ ôh mơ̆t bơngai kơnê̆; Sek pơglăi lê̆ bơngai tơpăt.

Tơdrông Pơđơk 31:5

Hli kơ lu sư et suai, hiơt tơdrong juăt, Pơm kư̆ kă chă sek tơdrong kơ lu bơngai dơnuh hin.

Tơdrông Pơđơk 6:16

Đei tơdrâu tơdrong mă Kră Yang areh, Tơpơh tơdrong Kră Yang lăng krưp dêh.

Êsai 5:20

Răm-'băm dêh kơ bơngai bu khan pơm kơnê̆ noh 'lơ̆ng, khan pơm 'lơ̆ng noh kơnê̆; khan măng mu noh hơdah, hơdah noh khan măng mu; tơmam tăng khan 'ngam, tơmam 'ngam khan tăng.

Êsai 5:23

Lu sư achăng lê̆ lu bơngai pơm kơnê̆ yua kơ đei iŏk pơgâm sa tơmam đe răt, sơngah ưh kơ pơm tơdrong 'lơ̆ng tơpăt kơ bơngai ưh kơ đei yoch.

Nhom 3:35

Wă sơngah tơpăt kơ minh 'nu bơngai 'bơ̆t anăp Kră Yang tih hloh.

Êsêkiên 13:19

Lu iĕm pơm pơ'mê̆ kơ Inh lăm lu kon pơlei Inh, wă kơ đei minh chup 'ba tơ'bâu păng minh tơpei 'bĕng, pơma hơlĕnh kơ kon pơlei Inh, lu sư mơ̆ng kiơ̆ nơ̆r hơlĕnh lu iĕm, na pơlôch bơngai mă ưh kơ trŏ kơ lôch, păng rong bơngai mă ưh kơ trŏ wă rong arih.

Am 5:12

Yua kơ inh băt boih kơ tơdrong yoch lu iĕm lơ pă băt dang yơ, tơdrong yoch iĕm tih dêh, lu iĕm pơmat lu bơngai tơpăt, iŏk sa pơgâm, tơ anih 'măng jang pơlei lu iĕm sơngah kơ tơdrong trŏ tơpăt lu bơngai dơnuh hin lăm năr sek tơlang.

Am 5:7

Lu iĕm, tơplih tơdrong tơpăt na iŏk tơm 'long tăng păng klơ̆m lê̆ tơdrong 'lơ̆ng tơpăt tơ teh.

Am 6:12

Iĕm hăm lah ăn kơ aseh kơdâu kơpal tơmo tih? Đe hăm choh rơmo tơ kơpal tơmo? Mă-lei lu iĕm tơplih tơdrong tơpăt jing tơdrong chhŭr nuih păng tơplih plei 'lơ̆ng tơpăt jing plei tăng.

Rom 4:5

Bơ̆n bơngai yoch mă-lei dah bơ̆n lui păng gơnang kơ Sư tơpă, Sư kư̆m jô̆ bơ̆n bơngai 'lơ̆ng tơpăt. Mă-lei noh ưh kơ sĭ Sư apah yua kơ bơ̆n kiơ̆ dôm tơdrong juăt Sư pơkă ôh, Sư mơnat yua kơ bơ̆n lui păng gơnang kơ Sư.

Both 25:1

Tơdah đei tơdrong pơjah băl, 'bar pah athei năm apinh truh tơ anih sek tơlang, lu kră sek tơlang, sek tơpăt kơ bơngai 'lơ̆ng tơpăt păng sek phak lu bơngai mă đei yoch noh.

Ya 5:6

Iĕm jâu lu bơngai 'lơ̆ng pơm kơnê̆ na pơlôch hloi lu sư, mă-lei lu sư ưh kơ pơjăng ôh.