Tơdrông Pơđơk 17:13 - Sơ̆p Hlabơar Nơ̆r 'Bok Kei-Dei

¹³ Bơngai bu pơm kơnê̆ tơwih kơ đe pơm 'lơ̆ng, Tơdrong truh pơmat ưh kơ weh ôh đơ̆ng hnam sư.

Tơdrông Pơđơk 17:13 ပူးပေါင်းရင်းမြစ်များ

II Sam 12:10

Thoi noh na, dao ưh kơ đei layơ pơdơh pơrăm hnam dơnŏ ih, yua kơ ih ưh kơ pơyom kơ Inh, tơgar iŏk akăn Uri, bơngai Hêtit, pơm akăn ih.”

I Pot 21:22

Inh gô ăn kơ adrĕch hnam ih đei tơdrong răm truh thoi adrĕch hnam Jêrôbôam, kon drŏ-nglo Nêbat păng thoi adrĕch hnam Baasa kon drŏ-nglo Ahija.’ Yua kơ ih pơm tơblĕk wă kơ inh hil păng pơhlŭ bơngai Isơrael pơm yoch.

Horiso 35:12

Lu sư iŏk tơdrong kơnê̆ mong đêl inh pơm 'lơ̆ng Achăng lê̆ bơhngol inh pă đei hơmĕng kiơ.

Horiso 38:20

Lu bơngai 'mong tơdrong kơnê̆, đêl inh pơm 'lơ̆ng. Noh kư̆m jâu inh, yua kơ inh kiơ̆ trong 'lơ̆ng.

Tơdrông Pơđơk 13:21

Tơdrong pơmat-tat druh lu bơngai yoch. Mă-lei bơngai tơpăt đei apah pŭn hiôk.

Mathiơ 27:25

Na đĭ-đăng kơ lu kon pơlei pơla ei khan: “Lê̆ 'Bok Kei-Dei phak nhôn păng lu kon nhôn kư̆m bưh yua kơ nhôn pơlôch Sư.”

Mathiơ 27:5

Na Juđa năm klơ̆m lê̆ jên noh tơ hnam akŭm 'Bok Kei-Dei tơm, brŏk hrek hơlŏng pơlôch akâu sư kơdih.

Rom 12:17

Đe pơm kơnê̆ kơ bơ̆n, bơ̆n 'nĕ pơm tơwih kơ đe, bơ̆n athei pơm 'lơ̆ng pơm trŏ, pơm kiơ̆ kơ tơdrong bôl buăl mă lăp đon; bơ̆n pơm thoi noh đĕch 'lơ̆ng.

I Tes 5:15

Iĕm 'nĕ kơ hil kơ sư. Iĕm ling-lang athei pơm 'lơ̆ng lăm tơduă iĕm hăm lu bôl buăl nai mơ̆n.

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.

I Sam 19:4

Thoi noh, Jônathan pơma dŏng Đawit khan kơ 'bă sư: Apinh ih 'nĕ pơm tơdrong yoch hăm Đawit, đĭch đam ih, yua kơ sư ưh kơ đei pơm tơdrong yoch kiơ hăm ih, mă đei tơgŭm tơdrong jang tih ăn kơ ih dơ̆ng.

I Sam 24:17

Sôl khan kơ Đawit: Kon pơm tơpăt hloh kơ 'bă, yua kơ iŏk tơdrong 'lơ̆ng, na pơm 'mong tơdrong kơnê̆ 'bă hlôi pơm ăn kơ kon.

I Sam 25:21

Đawit đei pơma khan: Tơpă pih pang gleh lap đĕch lu nhôn hlôi bơwei dôm tơmam bơngai 'nâu lăm char glă, sư huay kơ'bah dah hiong minh tơdrong kiơ, mă-lei sư iŏk tơdrong kơnê̆ 'mong tơdrong 'lơ̆ng inh pơm.