Tơdrông Pơđơk 16:5 - Sơ̆p Hlabơar Nơ̆r 'Bok Kei-Dei

⁵ Bu đei jơhngơ̆m pơang Kră Yang areh; Sĭt tơpă wă phak lu sư ưh kơ jor.

Tơdrông Pơđơk 16:5 ပူးပေါင်းရင်းမြစ်များ

Jop 40:12

Lăng bĕ tơ lu bơngai pơang păng teh tơhuŏng lê̆ sư; Kŭm teh pơjuă bĕ lu bơngai pơm kơnê̆ kơtă anih sư.

Le 20:7

Iĕm 'nĕ yua anăn Kră Yang 'Bok Kei-Dei iĕm wă pơma kư̆ kă, yua kơ Kră Yang ưh kơ achăng ôh bơngai bu yua anăn Kră Yang 'Bok Kei-Dei mă pơma kư̆ kă.

Tơdrông Pơđơk 11:21

Ăn kơ ih băt, lu bơngai kơnê̆ ưh kơ lê̆ jor ôh kơ phak; Mă-lei adrĕch lu bơngai 'lơ̆ng tơpăt gô klaih.

Tơdrông Pơđơk 16:4

Kră Yang pơjing boih dôm tơmam kiơ̆ kơ Sư wă yua. Mă lu bơngai kơnê̆ Kră Yang 'măn lê̆ boih kơ năr wă pơmat.

Tơdrông Pơđơk 16:6

Đơ̆ng 'mêm băt sĭt tơdrong yoch gơh klaih; Đơ̆ng hli yom kơ Kră Yang na gơh weh đơ̆ng tơdrong kơnê̆.

Tơdrông Pơđơk 6:29

Bơngai mă ngôi pơyô hăm akăn đe sư kư̆m thoi noh; Bơngai bu hơtŭt 'bơm kơ drŏ-kăn noh ưh kơ klaih ôh kơ phak.

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 2:12

Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.

Êsai 3:11

Răm-'băm dêh kơ lu bơngai pơm kơnê̆, sư gô đei tơdrong pơmat-tat! Lu sư gô pŭ iŏk đêl ti lu sư pơm!

Je 13:15

Pơgling đon iĕm mơ̆ng bĕ. 'Nĕ kơ pơang, Yua kơ Kră Yang khan boih.

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”