Tơdrông Pơđơk 16:24 - Sơ̆p Hlabơar Nơ̆r 'Bok Kei-Dei

²⁴ Nơ̆r pơma rơngơp 'ngam thoi đak sut, 'Ngam kơ bơhngol gơh klaih praih jăng kơ kơting.

Tơdrông Pơđơk 16:24 ပူးပေါင်းရင်းမြစ်များ

Horiso 119:103

Nơ̆r Kră Yang pơm kơ hơlŏng inh 'ngam dêh. 'Ngam hloh kơ đak sut lăm 'bơ̆r inh.

Horiso 19:10

Dôm tơdrong noh gĭt hloh kơ maih, gĭt hloh kơ ling maih; Kŭm 'ngam hloh kơ đak sut đơ̆ng hơkoh sư.

Tơdrông Pơđơk 12:18

Bơngai kư̆ kă chă pơma han thoi 'bet klĕch hăm đao. Mă-lei hơpiĕt lu bơngai hơgei đei hơmet klaih.

Tơdrông Pơđơk 15:23

Nơ̆r tơl trŏ pơm kơ đe hiôk chơt; Nơ̆r pơma lăp kiăp trŏ 'lơ̆ng dêh.

Tơdrông Pơđơk 15:26

Kră Yang hil areh kơ tơdrong lu bơngai kơnê̆ wă pơm; Mă-lei đei nơ̆r 'lơ̆ng rơgoh pơm kơ Sư lăp đon.

Tơdrông Pơđơk 17:22

Jơhngơ̆m chơt hiôk thoi pơgang sĭt. Mă-lei đei jơhngơ̆m sơ'ngon pơm kơ kơting kro krĕnh.

Tơdrông Pơđơk 23:16

Klơm klak inh kư̆m gô chơt hiôk. Dah nơ̆r đơ̆ng 'bơ̆r ih pơma tơpăt.

Tơdrông Pơđơk 27:9

Tơmam 'bâu phu păng pơgang 'bâu phu pik pơm kơ jơhngơ̆m hiôk chơt. Nơ̆r pơlung đơ̆ng lu bôl buăl kư̆m hiôk chhơp thoi noh.

Tơdrông Pơđơk 3:8

Noh tơdrong ming rơka ih gô klaih, kơting ih gô rơngơp hiôk,

Tơdrông Pơđơk 4:22

Yua kơ sư jing tơdrong arih kơ lu bơngai bu chă đei sư, Tơdrong pơklaih jĭ jăn lăm akâu.

Bôk Bơthô 12:10

'Bok bơtho adrin nŏng kơ chơchă dôm lu nơ̆r 'lơ̆ng păng dôm lu nơ̆r mă trŏ ling-lang chih tơlĕch tơpăt păng sĭt tơpă.

Hơri Hiôk 4:11

Ơ ŭnh om, hơkŭng ih lĕch đak sut. Tơ hơpiĕt ih đei đak sut păng đak toh; 'Bâu phu đơ̆ng hơbĕn ao ih, thoi 'bâu phu đơ̆ng char Liban.

Je 15:16

Inh kơtơ̆ng boih nơ̆r Ih, inh luăn sa boih; nơ̆r Ih pơma jing tơdrong pơhiôk lăm jơhngơ̆m inh, yua kơ inh gah Ih. Ơ Kră Yang 'Bok Kei-Dei Tih Hloh.

Both 32:2

Rŏ kơ nơ̆r inh bơtho huŏng jruh thoi đak 'mi; nơ̆r inh pơma lĕch thoi đak ngom jur, thoi 'mi pruh tơ kơpal 'nhĕt 'lơ̆p thoi 'mi hngach ruh tơ kơpal hla 'nhĕt adrih.

Tơdrông Tơ'bôh 10:10

Thoi noh na inh iŏk hla bơar iĕ noh đơ̆ng ti linh jang, na luŏn sa hloi. Lăm 'bơ̆r inh, inh mơn kơ 'ngam thoi đak sut; mưh inh luŏn hlôi boih, lăm klak inh, inh mơn kơ tăng.