Tơdrông Pơđơk 16:2 - Sơ̆p Hlabơar Nơ̆r 'Bok Kei-Dei

² Lu trong kon bơngai khan rơgoh 'lơ̆ng noh lĕch đơ̆ng măt kơdih akâu; Mă-lei Kră Yang lăng lăm jơhngơ̆m.

Tơdrông Pơđơk 16:2 ပူးပေါင်းရင်းမြစ်များ

Horiso 36:2

'Bơ̆t anăp măt sư pơang kơdih khan: Tơdrong yoch kơnê̆ ưh kơ đei layơ đe băt păng ưh kơ đei bu areh.

Tơdrông Pơđơk 12:15

Trong lu bơngai kơnê̆ khan tơpăt kiơ̆ kơ măt lu sư lăng. Gah bơngai hơgei đei đon băt mơ̆ng đe bơtho khan.

Tơdrông Pơđơk 16:25

Đei minh trong kon bơngai khan 'lơ̆ng tơpăt, Mă-lei trong noh tuch-luch sư jing trong tơdrong lôch.

Tơdrông Pơđơk 17:3

Gŏ pơtŏ rơ̆ hu, lu tơnuh ŭnh 'buh pơlong maih; Mă-lei đei Kră Yang pơlong lăng jơhngơ̆m.

Tơdrông Pơđơk 21:2

Trong kon bơngai wă tă tơpăt kiơ̆ kơ măt sư kơdih. Mă-lei đei Kră Yang lăng lăm jơhngơ̆m.

Tơdrông Pơđơk 24:12

Tơdah ih khan, “'Nâu, nhôn ưh kơ băt ôh tơdrong noh” Hăm trŏ đei tơ'ngla 'bôh boih tơdrong noh? Hăm trŏ đei tơ'ngla wei-lăng bơhngol ih sư 'bôh tơdrong noh? Sư gô pơm tơwih kơ rim 'nu kiơ̆ thoi đêl sư pơm

Tơdrông Pơđơk 30:12

Đei bơngai mơ'nah tơchĕng khan lu sư rơgoh 'lơ̆ng. Mă-lei tam đei ôp mơgrĭ lu sư.

Tơdrông Pơđơk 5:21

Yua kơ trong kon bơngai yak hơdah 'bơ̆t anăp Kră Yang; Sư lăng đĭ trong lu sư yak.

Êsai 26:7

Trong lu bơngai 'lơ̆ng tơpăt jơ̆ tơpăt, ơ Kră Yang 'Lơ̆ng tơpăt, Ih pơm ăn trong kơ lu bơngai 'lơ̆ng tơpăt dơhnă hiôk.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Da 5:27

Tekel wă khan: Pơtao đei kŏng boih kơpal 'long kŏng păng 'bôh ưh kơ tôm.

Jo 22:32

Linh jang Kră Yang khan: Liơ ih teh aseh ih pêng wơ̆t? 'Nâu inh năm tơ âu wă găn ih, yua kơ inh 'bôh ih wă năm kiơ̆ trong năm tơ tơdrong hiong răm.

Luka 16:15

Na Yêsu khan kơ lu sư: “Lu iĕm lăp đon kơ đe khan kơ iĕm bơngai 'lơ̆ng ră, mă-lei 'Bok Kei-Dei băt kơ jơhngơ̆m lu iĕm kơnê̆. Tơdrong kon bơngai ala teh âu pơang khan 'lơ̆ng ră, mă-lei 'Bok Kei-Dei lăng kơnê̆ kơ Sư.

Tơdrông Tơ'bôh 2:18

“Dang ei dơ̆ng Inh wă kơ ih chih kơthơ kơ kră hnam akŭm 'Bok Kei-Dei tơ Pơlei Thiatir thoi âu: Âu boih Kon 'Bok Kei-Dei, 'Bok mă măt Sư thoi pla ŭnh, jơ̆ng Sư hơdah 'brŭng dreng thoi mam ngơr đe 'buh tơ ŭnh, na Sư wă pơma kơ iĕm thoi âu:

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

Lu 17:6

Kơplah 'noh ưh kơ đei bu pơm pơtao lăm Isơrael. Rim 'nu kư̆ kơ pơm kiơ̆ kơdih wă khan trŏ.

Lu 7:6

Đei lăp pêng-hrĕng 'nu bơngai, kŭp nhă chhŏng păng tơpang ti. Na dôm 'nu bơngai noh tă kơ nhă pơtăm kŭl-tăng ngăl.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.

I Sam 2:3

Thôi, 'nĕ pă pơma pơang dêh. 'Nĕ pă ăn tơdrong pơang lĕch đơ̆ng 'bơ̆r ih; Yua kơ Kră Yang bơih 'Bok Kei-Dei băt đi; Sư boih kŏng pơtŏ lăng đĭ tơdrong bơ̆n jang.