Tơdrông Pơđơk 15:6 - Sơ̆p Hlabơar Nơ̆r 'Bok Kei-Dei

⁶ Lăm hnam bơngai hơgei đei mŭk tơmam gĭt tih. Tơmam lu bơngai kư̆ kă tă kơ đei truh tơdrong răm.

Tơdrông Pơđơk 15:6 ပူးပေါင်းရင်းမြစ်များ

Horiso 112:3

Mŭk măk păng mơdrŏng oei lăm hnam Sư. Păng tơdrong tơpăt Sư oei oei ling-lang.

Horiso 37:16

Tơmam lu bơngai tơpăt tŏ sĕt ră, Mă-lei đei 'lơ̆ng hloh kơ tơmam lu bơngaic kơnê̆ đei rơkah rơkai.

Tơdrông Pơđơk 10:22

Pŭn hiôk đơ̆ng Kră Yang ba ăn mơdrŏng; Sư ưh kơ đei thim tơdrong sơ'ngon ôh.

Tơdrông Pơđơk 13:22

Bơngai 'lơ̆ng mong tơmam ăn kơ lu kon sâu sư. Mă-lei bơngai kơnê̆ lê̆ tơmam sư kơ lu bơngai tơpăt.

Tơdrông Pơđơk 15:16

Kơtrơ̆m đei mŭk tơmam tŏ sĕt, Mă-lei đei jơhngơ̆m băt hli yom kơ Kră Yang. Hloh kơ đei mŭk tơmam lơ mă-lei đei jơhngơ̆m rŭng răng.

Tơdrông Pơđơk 15:5

Bơngai kơtul kuă kơ mơ̆ng nơ̆r 'bă tơtă bơtho. Mă-lei bơngai hơgei oei mơ̆ng nơ̆r chrih bơtho.

Tơdrông Pơđơk 15:7

Nơ̆r 'bơ̆r bơngai hơgei rei tơdrong hlôh wao; Mă-lei jơhngơ̆m lu kơwao ưh kơ thoi noh.

Tơdrông Pơđơk 16:8

Đei lơi tŏ sĕt đơ̆ng pơm tơpăt noh 'Lơ̆ng hloh đei tơmam lơi lơ đơ̆ng hơlĕnh.

Tơdrông Pơđơk 21:20

Lu bơngai hơgei đei 'măn tơmam gĭt păng rơmă plei ôliwơ; Bơngai kơtul kơwao sa đĭ tơmam sư đei.

Tơdrông Pơđơk 3:33

Tơdrong Kră Yang hiap oei lăm hnam lu bơngai pơm kơnê̆. Mă-lei Sư bơnê ăn pŭn hiôk kơ hnam lu bơngai pơm 'lơ̆ng.

Tơdrông Pơđơk 8:21

Ăn mơdrŏng kơ lu bơngai 'mêm kơ Inh, Tuh tơ'bĕnh ăn kơ pơk mong tơmam sư.

Bôk Bơthô 4:6

Kơtrơ̆m jah đei đăi 'bĕnh hơya minh pah tơpang ti đĕch mă-lei đei tơdrong hiôk rơnŭk, noh sư hloh kơ đei 'bĕnh 'bar pah tơpang ti, mă-lei gleh pơmat, mơ̆ng kơ kial bơbơ̆t sư tơ yơ kiơ̆ tơ noh.

Hêbrơ 11:26

Sư tơchĕng lê̆ đe pơmat sư yua kơ sư kiơ̆ tơdrong 'Bok Krist, hiôk hloh kơ sư iŏk dôm mŭk tơmam pơtao tơ dêh Êyiptơ yua kơ ning-mônh sư băt kơ 'Bok Kei-Dei gô apah sư lơ hloh.