Tơdrông Pơđơk 15:33 - Sơ̆p Hlabơar Nơ̆r 'Bok Kei-Dei

³³ Tơdrong băt hli yom kơ Kră Yang chrih bơtho bơngai noh gô jing hơgei; Đei iŏk đon ala ba adrol tơdrong đe pơyom.

Tơdrông Pơđơk 15:33 ပူးပေါင်းရင်းမြစ်များ

Esther 2:15

Truh kơ jơ Esther kon hơdruh Abihai ma kơ Morđêkai, bơngai rong sư pơm jing kon kơdih sư, mơ̆t năm tơ anih pơtao, hơdruh noh ưh kơ đei wă apinh tơdrong kiơ, sư apinh pôm tơmam đơ̆ng Hêgai bơngai linh krĕo jang kơ pơtao wei-lăng lu hơdruh, tơ'bôh kơ sư. Esther đei lơ bơngai lăng sư mơnat.

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Horiso 111:10

Tơdrong hli yom kơ Kră Yang jing tơm tơdrong hơgei, Bơngai bu mă wei răk nơ̆r Sư bơtho pơkă gô đei đon hlôh wao. Tơdrong hơri bơnê ư-ang kơ Sư oei oei ling-lang.

Horiso 34:11

Ơ lu kon năm mơ̆ng Inh bĕ, Inh gô bơtho kơ lu iĕm băt hli yom kơ Kră Yang.

Tơdrông Pơđơk 1:2

Wă kơ băt hlôh tơdrong gơh hơgei păng tơdrong bơtho pơhrăm iŏk, wă kơ hlôh kơ nơ̆r hlôh wao.

Tơdrông Pơđơk 1:7

Hli yom kơ Kră Yang jing tơm tơdrong hlôh wao. Lu bơngai kơtul areh kơ tơdrong gơh hơgei păng nơ̆r bơtho pơhrăm.

Tơdrông Pơđơk 15:32

Bơngai bu sơngah kơ tơdrong teh bơtho, areh kơ bơhngol kơdih. Mă-lei bơngai bu chu mơ̆ng nơ̆r đe chrih bơtho, gơh đei hlôh wao.

Tơdrông Pơđơk 16:1

Tơdă wă pơm noh đơ̆ng jơhngơ̆m kon bơngai, Mă-lei đei hơpiĕt tơl tơwih noh lĕch đơ̆ng Kră Yang.

Tơdrông Pơđơk 18:12

Đei jơhngơ̆m pơang adrol kơ tơdrong răm truh; Tơdrong iŏk đon ala, ba tơdrong đe pơyom.

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”

Ya 4:10

Iĕm athei pơma sơdrĭ tơ ala kơ Sư, na Sư 'brơ̆k mơnat tơiung iĕm.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.