Tơdrông Pơđơk 15:32 - Sơ̆p Hlabơar Nơ̆r 'Bok Kei-Dei

³² Bơngai bu sơngah kơ tơdrong teh bơtho, areh kơ bơhngol kơdih. Mă-lei bơngai bu chu mơ̆ng nơ̆r đe chrih bơtho, gơh đei hlôh wao.

Tơdrông Pơđơk 15:32 ပူးပေါင်းရင်းမြစ်များ

Horiso 50:17

Tơpă ih areh kơ tơdrong Inh bơtho pơrăm, Hŭt lê̆ tơ rŏng dôm nơ̆r Inh bơtho

Tơdrông Pơđơk 1:7

Hli yom kơ Kră Yang jing tơm tơdrong hlôh wao. Lu bơngai kơtul areh kơ tơdrong gơh hơgei păng nơ̆r bơtho pơhrăm.

Tơdrông Pơđơk 10:17

Bu mơ̆ng pơhrăm iŏk nơ̆r bơtho oei lăm trong tơdrong arih; Mă-lei bơngai bu sơngah kơ tơdrong chrih bơtho gô hiong.

Tơdrông Pơđơk 13:18

Bơngai bu sơngah kơ tơdrong bơtho pơhrăm gô dơnuh hin păng mơlâu; Mă-lei bơngai bu đei đon iŏk đe chrih bơtho đe gô pơyom.

Tơdrông Pơđơk 15:14

Jơhngơ̆m bơngai gơh hơgei oei chă tơdrong hlôh wao. Mă-lei 'bơ̆r lu bơngai kư̆ kă chă luăn sa tơdrong bơlŭk.

Tơdrông Pơđơk 15:21

Bơngai ưh kơ hlôh 'bôh tơdrong kơtul hiôk. Mă-lei bơngai hlôh 'bôh trong sư yak tơpăt.

Tơdrông Pơđơk 15:31

Bơngai bu chu iŏk đe teh bơtho; Bơngai noh gô oei arih hơdai lu bơngai hlôh wao.

Tơdrông Pơđơk 15:33

Tơdrong băt hli yom kơ Kră Yang chrih bơtho bơngai noh gô jing hơgei; Đei iŏk đon ala ba adrol tơdrong đe pơyom.

Tơdrông Pơđơk 15:5

Bơngai kơtul kuă kơ mơ̆ng nơ̆r 'bă tơtă bơtho. Mă-lei bơngai hơgei oei mơ̆ng nơ̆r chrih bơtho.

Tơdrông Pơđơk 17:16

Hăm yua kiơ bơngai kơwao chĕp jên hu, Sư ưh kơ 'maih răt tơdrong hơgei.

Tơdrông Pơđơk 18:15

Jơhngơ̆m bơngai hơgei đei iŏk đon hlôh wao; Đon bơngai hơgei oei chă tơdrong băt hlôh.

Tơdrông Pơđơk 19:20

Mơ̆ng bĕ nơ̆r bơtho athei, wei iŏk bĕ nơ̆r đe tơ'bôh; Wă kơ ih gơh hơgei đei đon hlôh wao đơ̆ng âu tơ anăp.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Bôk Bơthô 7:5

Mơ̆ng nơ̆r lu bơngai hơgei hil bơtho. Sư 'lơ̆ng hloh kơ mơ̆ng nơ̆r bơngai kơtul hơri chơt.

Êsai 1:5

Lơliơ lu iĕm wă kơ oei teh hơnơ̆ng? Yua kơ kiơ lu iĕm oei 'maih blah plơ̆ ling-lang? Rim kơ̆l lu iĕm đĭ rơka, jơhngơ̆m lu iĕm đĭ jĭ bơih.

Êsai 3:9

Muh măt lu sư tơ'bôh pơdah blah plơ̆ kơdih akâu lu sư; lu sư pơdah tơdrong yoch lu sư kơdih thoi pơlei Sôđôm, ưh kơ gơh ôn hlơp ôh, Răm-'băm dêh kơ bơhngol lu sư, yua kơ lu sư ba tơdrong răm kơdih akâu.

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Both 21:18

Tơdah bơngai bu đei minh 'nu kon anat kơ bơtho păng kơchu, ưh kơ mơ̆ng kiơ̆ nơ̆r mĕ 'bă, mă khan bơtho pơjĭ ră, sư oei kơchu ưh kơ mơ̆ng nơ̆r,

Both 21:20

Mĕ 'bă gô roi ăn kơ lu kră pơlei khan: 'Nâu kon lu nhôn kơchu păng arăng kơ̆l dêh, ưh kơ mơ̆ng nơ̆r lu nhôn, bơtho khan, jing bơngai thông kư̆ kă, chă et suai ling-lang.

Hêbrơ 12:15

Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.

Ya 1:22

Păng bơ̆n 'nĕ kơ mơ̆ng lăm đon đĕch, khan 'Bok Kei-Dei kư̆m iŏk. Ưh ôh, bơ̆n mơ̆ng păng pơm kiơ̆ hloi dôm tơdrong đe bơtho, noh na 'Bok Kei-Dei iŏk.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.