Tơdrông Pơđơk 15:30 - Sơ̆p Hlabơar Nơ̆r 'Bok Kei-Dei

³⁰ Măt 'bôh hơdah pơm kơ đe jơhngơ̆m chơt hiôk. Tơdrong 'nao kơtơ̆ng hiôk dŏng pơklaih kơting.

Tơdrông Pơđơk 15:30 ပူးပေါင်းရင်းမြစ်များ

Esơra 9:8

Mă-lei dang ei lăm minh kơchon kơđeh đĕch Kră Yang 'Bok Kei-Dei lu nhôn đei pơdah boih tơdrong mơnat wă tơgŭm lu nhôn bơngai oei oăi arih brŏk tơ dêh 'lơ̆ng rơgoh păng ăn kơ lu nhôn minh anih kơjăp lăm anih 'lơ̆ng rơgoh Sư; wă kơ Kră Yang 'Bok Kei-Dei lu nhôn pơchrang ăn kơ măt lu nhôn păng ăn kơ lu nhôn hơdah oei arih 'biơ̆ tŏ sĕt kơplah lu nhôn jing đĭch đam đe.

Horiso 89:15

Pŭn dêh kơ kon pơlei ayơ mă băt đei nơ̆r chơt hiôk hơri bơnê kơ Ih, Ơ Kră Yang, lu sư yak lăm hơdah đơ̆ng anăp muh măt Ih

Tơdrông Pơđơk 12:25

Tơdrong ơh sơ'ngon kon bơngai pơm kơ sư rai trăp; Mă-lei đei nơ̆r rơngơp pơm kơ sư chơt hiôk.

Tơdrông Pơđơk 13:9

Ŭnh kơđeng lu bơngai tơpăt pơchrang hơdah; Gah ŭnh kơđeng lu bơngai kơnê̆ păt đĭ.

Tơdrông Pơđơk 15:29

Kră Yang ataih đơ̆ng lu bơngai pơm kơnê̆, Jê̆ păng mơ̆ng nơ̆r lu bơngai tơpăt krao apinh.

Tơdrông Pơđơk 15:31

Bơngai bu chu iŏk đe teh bơtho; Bơngai noh gô oei arih hơdai lu bơngai hlôh wao.

Tơdrông Pơđơk 17:22

Jơhngơ̆m chơt hiôk thoi pơgang sĭt. Mă-lei đei jơhngơ̆m sơ'ngon pơm kơ kơting kro krĕnh.

Tơdrông Pơđơk 25:25

Tơdrong 'nao tơbăt 'lơ̆ng truh đơ̆ng char ataih. Thoi đak rơngơp pơchhơp bơngai rơhing.

Tơdrông Pơđơk 3:8

Noh tơdrong ming rơka ih gô klaih, kơting ih gô rơngơp hiôk,

Bôk Bơthô 11:7

Hơdah măt 'năr 'lơ̆ng rŏ dêh, măt lăng 'bôh măt 'năr hiôk pă băt dang yơ.

Êsai 58:11

Kră Yang ling-lang gô chông ba ih ăn kơ ih tôm mah lăm anih teh hrĕng kro, pơm ăn kơ akâu jăn ih pran jăng. Ih thoi lĕ pơgar đe ruh đak ling-lang, thoi tu đak glung ưh kơ đei layơ hrơ̆.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.

Tơdrông Tơ'bôh 22:5

Măng klăm ưh pă đei boih păng lu sư ưh kơ kăl kơ măt 'năr dah ŭnh kiơ pơchrang hơdah kơ lu sư dơ̆ng ôh yua kơ akâu 'Bok Kei-Dei oei tơ noh pơchrang ăn kơ lu sư. Lu sư gô pơgơ̆r ling-lang khŏm khŏm tơ noh.